চৰকাৰৰ উদাসীনতা!১ বহাগৰ পৰা জনগোষ্ঠীয় সমন্বয় পৰিষদে নিজেই আৰম্ভ কৰিব গৰিয়া মৰিয়া দেশী লোকসকলৰ জৰীপ
১ বহাগৰ পৰা গৰিয়া মৰিয়া দেশী লোকসকলৰ জৰীপ আৰম্ভ কৰিব জনগোষ্টীয় সমন্বয় পৰিষদে।
শনিবাৰে এক সংবাদমেল অনুষ্ঠিত কৰি জনগোষ্ঠীয় সমন্বয় পৰিষদ অসমৰ সভাপতি মমিনুল আৱালে কয় যে পৰিষদৰ তত্ত্বাৱধানত এই জৰীপ আৰম্ভ কৰা হ’ব । এই সম্পৰ্কীয় তথ্য www. jspcensus নামৰ ৱেবচাইট উপলদ্ধ হ’ব।
এই জৰীপ কাৰ্য্যকৰণৰ লগত সহযোগিতা কৰিব অসমৰ গৰিয়া মৰিয়া দেশী জনগোষ্টীয় সংগঠন সমূহে।
গৰিয়া মৰিয়া সকলৰ যাৱতীয় তথ্যৰ সমূহ ৱেবচাইটত পোৱা যাব। এই ক্ষেত্ৰত গাওঁবুঢ়াৰ দ্বাৰা প্ৰমাণিত হব লাগিব সকলো নথি পত্ৰ।
৫টা কৈ সংগঠনৰ তৰফৰ পৰা এখনকৈ প্ৰমাণ পত্ৰ নিৰ্দিষ্ট জনগোষ্ঠীৰ লোকসকলে লাভ কৰিব আৰু তেনে লোক জনগোষ্ঠীটোৰ লোক হয় নে নহয় তাৰ প্ৰমাণ হিচাবে বিবেচিত হ’ব।
বিজেপি চৰকাৰৰ তৰফৰ পৰা কোনো ধৰণৰ সহায় নোপোৱাৰ বাবে জনগোষ্ঠীয় সমন্বয় পৰিষদ অসমে নিজাববীয়াকৈ এই জৰীপ আৰম্ভ কৰিবলগীয়া হৈছে বুলি আৱালে মন্তব্য কৰে।