কেন্দ্ৰীয় চৰকাৰে ৭ এপ্ৰিলত পেট্ৰ’ল আৰু ডিজেলৰ আবকাৰী শুল্ক প্ৰতি লিটাৰত ২ টকাকৈ বৃদ্ধি কৰা বুলি এক চৰকাৰী আদেশৰ জৰিয়তে প্ৰকাশ পাইছে। চৰকাৰী আদেশ অনুসৰি যে পেট্ৰ’লৰ আবকাৰী শুল্ক প্ৰতি লিটাৰত ১৩ টকা আৰু ডিজেলৰ ওপৰত ১০ টকালৈ বৃদ্ধি হৈছে।
আমেৰিকা প্ৰশাসনৰ পাৰস্পৰিক শুল্কৰ ফলত বিশ্বব্যাপী বাণিজ্য যুদ্ধৰ আশংকাৰ ফলত বিশ্বৰ খাৰুৱা তেলৰ মূল্য প্ৰকৃততে নিম্নগামী ধাৰা অব্যাহত থকাৰ সময়তে ভাৰত চৰকাৰে এই পদক্ষেপ গ্ৰহণ কৰিছে।
আন্তঃৰাষ্ট্ৰীয় তেলৰ মূল্য হ্ৰাস পোৱাৰ বাবে পেট্ৰ’ল আৰু ডিজেলৰ মূল্য কৰ্তনৰ বিপৰীতে বৃদ্ধি পোৱা আবকাৰী শুল্ক সালসলনি কৰাৰ সম্ভাৱনা আছে। এই বৃদ্ধিয়ে ইতিমধ্যে মুদ্ৰাস্ফীতিৰ চাপৰ সৈতে মোকাবিলা কৰা গ্ৰাহকসকলক প্ৰভাৱিত কৰাৰ সম্ভাৱনা প্ৰকট হৈছে।
চৰকাৰৰ ৰাজহ বৃদ্ধিৰ উদ্দেশ্যৰ লগতে বিশেষকৈ ড’নাল্ড ট্ৰাম্পৰ শুল্ককনীতিক লৈ অনিশ্চয়তাই উদ্বেগৰ সৃষ্টি হৈছে, কিয়নো অধিক ইন্ধনৰ ব্যয়ে ঘৰুৱা বাজেট, পৰিবহণ আৰু সামগ্ৰীৰ দাম বৃদ্ধি কৰিব পাৰে। বিত্ত মন্ত্ৰালয়ৰ শেহতীয়া তথ্য অনুসৰি ৮ এপ্ৰিলৰ পৰা কাৰ্যকৰী হ’ব এই নিৰ্দেশনা।
