ছত্তীশগড়ৰ চুকমা জিলাত যোৱা ৯ জুনত সংঘটিত হোৱা এক ভয়াৱহ আইইডি বিস্ফোৰণত অতিৰিক্ত আৰক্ষী অধীক্ষক আকাশ ৰাও গিৰিপাঞ্জে নিহত হোৱাৰ লগতে আন দুজন বিষয়া আহত হয়। যোৱা ১০ জুনত নিষিদ্ধ মাওবাদী সংগঠনৰ আহ্বান জনোৱা ভাৰত বন্ধৰ পূৰ্বে মাওবাদীয়ে জেচিবি মেচিনত জুই লগাই দিয়াৰ দৰে হিংসাত্মক ঘটনাৰ প্ৰতি আক্ৰমণত তিনিজনকৈ আৰক্ষী বিষয়া আঘাটপ্ৰাপ্ত হয়। ইয়াৰে এগৰাকী বিষয়া এই গীৰিপাঞ্জে কোন্টা চিকিৎসালয়ত চিকিৎসাধিন হৈ থকা অৱ্স্থাতে মৃত্যুক সাৱটি লয়, আনহাতে আনদুজন বিষয়া দুজন বিপদ মুক্ত বুলি জানিব পৰা গৈছে।
আহত আৰক্ষী মহকুমা বিষয়া ভানুপ্ৰতাপ চন্দ্ৰকাৰ আৰু ষ্টেচন হাউছৰ বিষয়া সোনাল গ্ৱালাক উন্নত চিকিৎসাৰ বাবে ৰায়পুৰলৈ প্ৰেৰণ কৰে। ছত্তীশগড়ৰ মুখ্যমন্ত্রী বিষ্ণু দেৱ ছাই আৰু উপ-মুখ্যমন্ত্রী বিজয় শর্মাই এই আক্রমণক গৰিহণা দি শেহতীয়া নিৰাপত্তা সাফল্যত হতাশ হোৱা মাওবাদীৰ কাপুৰুষালি বুলি অভিহিত কৰে৷ গৃহ বিভাগৰ দায়িত্বত থকা শৰ্মাই গিৰিপঞ্জে বীৰত্বৰ বঁটা বিজয়ী বুলি জোৰ দি কয় যে এনে আক্ৰমণে মাওবাদী বিৰোধী অভিযানক বাধা নিদিয়ে বুলি প্ৰতিজ্ঞা কৰে।
এই মৰ্মান্তিক ঘটনাটোৱে ছত্তীশগড়ৰত মাওবাদী হিংসাৰ ধাৰাবাহিক ভাবুকিৰ আঁত ধৰিছে, য’ত আইইডি এক মাৰাত্মক অস্ত্ৰ হৈয়েই আছে। ২০২৫ চনৰ ২১ মে’ত নাৰায়ণপুৰত ২৭ জন সন্দেহযুক্ত মাওবাদীক হত্যা কৰাকে ধৰি মাওবাদীৰ ধাৰাবাহিক হত্যা কাণ্ডৰ পিছতে এই আক্ৰমণ সংঘটিত হৈছে।মুখ্যমন্ত্ৰী ছাইয়ে মাওবাদীৰ বিৰুদ্ধে নিৰাপত্তা বাহিনীয়ে নিৰন্তৰ সফলতা অৰ্জন কৰি আছে বুলি উল্লেখ কৰি ৰাজ্যখনত তেওঁলোকৰ উপস্থিতি নাইকিয়া কৰাৰ প্ৰতিশ্ৰুতি দিয়ে। মনপুৰ-মোহলা, সুকমাৰ দৰে উচ্চ বিপদজনক অঞ্চলত সেৱা আগবঢ়োৱা বিষয়া এএছপি গৰাকীৰ মৃত্যুৱে বাওঁপন্থী উগ্ৰবাদৰ বিৰুদ্ধে ছত্তীশগড় চৰকাৰ আৰু আৰক্ষীৰ প্ৰচেষ্টা তীব্ৰতৰ কৰি তোলাৰ সংকল্প আৰু অধিক শক্তিশালী কৰি তুলিছে।
