Himanta Biswa Sarma gives reaction: মুখ্যমন্ত্ৰী হিমন্ত বিশ্ব শৰ্মালৈ নিৰ্বাচনী আচৰণবিধি ভংগ কৰাৰ অভিযোগত নিৰ্বাচনী আয়োগে জাননী জাৰি কৰাৰ পাছতেই থৰকাছুটি হেৰুৱাইছে মুখ্যমন্ত্ৰীগৰাকীয়ে।
নিৰ্বাচনী বিধি ভংগৰ অভিযোগত জাননী জাৰি কৰাৰ পাছত এই সন্দৰ্ভত মুখ্যমন্ত্ৰী হিমন্ত বিশ্ব শৰ্মাই প্ৰতিক্ৰিয়া প্ৰকাশ কৰা দেখা পোৱা গৈছে।
মুখ্যমন্ত্ৰীক দিয়া জাননীত নিৰ্বাচন আয়োগে কয় যে “এইটো নিশ্চিত যে আপুনি সমষ্টিসমূহৰ বিভিন্ন স্থানত সমাৱেশক সম্বোধন কৰাৰ সময়ত বিবৃতি দিয়াৰ সময়ত প্ৰতিশ্ৰুতি আৰু ঘোষণা কৰিছে”।
আনহাতে, এই সন্দৰ্ভত মুখ্যমন্ত্ৰী হিমন্ত বিশ্ব শৰ্মাই কংগ্ৰেছৰ অভিযোগৰ প্ৰত্যুত্তৰত কয়, “কংগ্ৰেছ দলে ৰাইজৰ হৈ কাম কৰিলে ভাল নাপায়। ৰাইজে নতুন মেডিকেল কলেজ, অৰুনোদই আঁচনিৰ পাব তাতেও তেওঁলোকৰ আপত্তি।
তেওঁ কয় বাজেটত ঘোষণা কৰা অনুসৰি চৰকাৰৰ ফালৰ পৰা ৰাইজে কিবা পাব তাতেও তেওঁলোকৰ অভিযোগ।
আনহাতে, নিৰ্বাচনী আয়োগে দিয়া নিৰ্দেশ মানি ল’ব লাগিব বুলি মুখ্যমন্ত্ৰীয়ে সদৰী কৰে।
উল্লেখ্য যে কংগ্ৰেছে মুখ্যমন্ত্ৰীগৰাকীৰ বিৰুদ্ধে নিৰ্বাচনী বিধি ভংগ কৰাৰ অভিযোগ তুলি ভিডিঅ’ ক্লিপৰ প্ৰমানসহ নিৰ্বাচন আয়োগক দাখিল কৰিছিল।
নিৰ্বাচন আয়োগে কংগ্ৰেছৰ অভিযোগ পৰ্যালোচনা কৰি মুখ্যমন্ত্ৰীয়ে বিধি ভংগ কৰাটো নিশ্চিত হৈছে আৰু সেই মৰ্মে জাননী প্ৰেৰণ কৰে।
