বঙাইগাঁও জিলাৰ কোকিলা আৰক্ষী নিৰীক্ষণ চকীৰ অন্তৰ্গত নাম্বাৰপাৰা তৃতীয় খণ্ড গাঁৱৰ সাহেব আলীৰ পুত্ৰ হাবিবুল ইছলাম(২)ৰ লিভাৰত টিউমাৰ তাতে কেঞ্চাৰ হৈছে।
দৰিদ্ৰ পৰিয়ালটোয়ে ধনৰ অভাৱত আধাতে চিকিৎসা সামৰি ফুলকুমলীয়া শিশুটোক বুকুত লৈ ঘৰতে চকুলো টুকিবলগীয়া হৈছে ।
প্ৰায় দুই বছৰীয়া শিশু হাবিবুলে খেলি থকাৰ সময়ত পেটত হাত লগাত কাঠৰ দৰে কঠিন অনুভৱ হয় । ততাতয়াকৈ ৩১ জানুৱাৰীত বৰপেটা ৰোডৰ এখন ব্যক্তিগত চিকিৎসালয়ত ভৰ্তি কৰা হয় ।
তাতে বিভিন্ন ধৰণৰ পৰীক্ষা নিৰীক্ষা কৰি গুৱাহাটী চিকিৎসা মহাবিদ্যালয়লৈ প্ৰেৰণ কৰে।
গুৱাহাটীত পৰীক্ষা কৰি লিভাৰত টিউমাৰ আৰু কেঞ্চাৰ হোৱা বুলি নিশ্চিত হোৱাত কেইদিন চিকিৎসা কৰি গুৱাহাটী বি বৰুৱা কেঞ্চাৰ চিকিৎসালয়ত প্ৰেৰণ কৰে।
অৰ্থৰ অভাৱত আধাতে চিকিৎসা সামৰি ঘৰলৈ উভতি আহে। বৰ্তমান ফুলকুমলীয়া শিশু জনক লৈ ঘৰতে দিনে নিশাই চকুলো টুকিছে পিতৃ মাতৃয়ে। সেয়ে ৰাজ্য চৰকাৰ, সাংসদ বদৰুদ্দিন আজমল, সু হৃদয়বান ব্যাক্তি সকলোৰ ওচৰত আৰ্থিক সাহায্য বিচৰি কাতৰ আহ্বান জনাইছে পৰিয়ালৰ সকলোৱে।
চৰকাৰ, কোনো দল সংগঠন নাইবা যদি কোনো হৃদয়বান ব্যক্তিয়ে যদি সহায় কৰিব বিচাৰে তেন্তে হাবিবুল ইছলামৰ পিতৃ মাতৃৰ নামত থকা বেংক একাউন্ট যোগে সহায় কৰিব পাৰে।
একাউণ্ট দুটা Saheb Ali ৰ নামত থকা অসম গ্ৰামীণ বিকাশ বেংকৰ। একাউণ্ট নং 7124026010951, MICR CODE 783116512, অথবা SBI ত Chabiya khatun ৰ নামত থকা একাউন্ট নং 36750038716, IFSC. Code SBIN0005091 আৰু ৮৮১১০২৩২৮৯ নম্বৰত যোগাযোগ কৰি সহায়ৰ হাত আগবঢ়াব পাৰে। আপোনাৰ অকণমান সঁহাৰিয়ে দেৱ শিশুটিৰ জীৱন ৰক্ষা পৰিব পাৰে।
