অসমৰ মুখ্য মন্ত্ৰী সৰ্বানন্দ সোণোৱালৰ নীৰৱতাৰ বিপৰীতে চলিত ৰাজ্যসভা অধিৱেশনৰ শেষ দিনটোতো নাগৰিকত্ব বিধেয়ক উত্থাপিত নোহোৱাত উৎফুল্লিত বিজেপি নেতৃত্বাধীন মণিপুৰ চৰকাৰৰ মুখ্য মন্ত্ৰী এন বীৰেন সিঙে বুধবাৰে উত্তৰ-পূববাসীক জ্ঞাপন কৰিছে অভিনন্দন।
“নাগৰিকত্ব বিধেয়কৰ বিৰুদ্ধে বিজয়ৰ বাবে মণিপুৰ আৰু সমগ্ৰ উত্তৰ-পূবৰ ৰাইজৰ শলাগ লৈছো আৰু অভিনন্দন জ্ঞাপন কৰিছো। ছাত্ৰ, মেইৰা পাইবিছ (নাৰী আন্দোলন), সংগঠনসমূহ আৰু ৰাজ্যৰ বিভিন্ন ৰাজনৈতিক দলৰ চেষ্টা আছিল লক্ষণীয়। আপোনালোকৰ নিৰ্ভেজাল দাবীৰ বাবেই বিধেয়ক পুনৰ বিবেচনা কৰিছে কেন্দ্ৰীয় চৰকাৰে,” বুধবাৰে কৰা এটা টুইটত এই মন্তব্য মুখ্য মন্ত্ৰীগৰাকীৰ।
I sincerely appreciate and congratulate the people of Manipur and NE in general for winning on CAB .The efforts of the students, meira paibis, NGOs and different political parties of the state was remarkable. Because of yours genuine demands central government has reviewed CAB .
— Nongthombam Biren (@NBirenSingh) February 13, 2019
কেন্দ্ৰৰ তীব্ৰ হেঁচাৰ পিছতো নিজৰ বিধেয়ক বিৰোধী স্থিতি ঢিলাই নিদিয়া মুখ্য মন্ত্ৰীজনে বুধবাৰৰ দিনটোতে বিষয়টোক লৈ কৰিছে কেইবাটাও টুইট। আৰু বিধেয়ক স্তব্ধতাত সিঙৰ স্বস্তি স্পষ্ট হৈ পৰিছে টুইটসমূহত।
বিধেয়কখনৰ পক্ষলৈ আহিবলৈ দেশৰ গৃহ মন্ত্ৰী ৰাজনাথ সিঙে বুজনি দিয়াৰ পিছতো বীৰেন সিং নিজৰ স্থিতিত অটল আছিল।
On behalf of the people of Northeast & in particular Manipur, I would like to profusely thank Honble PM @narendramodi ji, BJP Pres @amitshah ji and HM @rajnathsingh ji for not tabling the CAB and opting for consensus driven approach. We deeply appreciate ur affection for NE! pic.twitter.com/pIpUn8qanl
— Nongthombam Biren (@NBirenSingh) February 13, 2019
বিধেয়কখন ৰাজ্যসভাত উত্থাপন নকৰাৰ বাবে প্ৰধান মন্ত্ৰী নৰেন্দ্ৰ মোদী, গৃহ মন্ত্ৰী ৰাজনাথ সিং, দলৰ ৰাষ্ট্ৰীয় সভাপতি অমিত শ্বাহ আৰু সম্পাদক ৰাম মাধৱকো ধন্যবাদ জনাইছে মুখ্য মন্ত্ৰী সিঙে।
