CM Himanta Biswa Sarma campaigns আজি তামুলপুৰত ডঃ হিমন্ত বিশ্ব শৰ্মাই উপ নিৰ্বাচনত মিত্ৰজোঁটৰ সমৰ্থিত ইউপিপিএল দলৰ প্ৰাৰ্থী জলেন দৈমাৰীৰ নিৰ্বাচনী প্ৰচাৰ সভাত অংশ লয়।
মুখ্যমন্ত্ৰীৰ দায়িত্ব লোৱাৰ পিছত প্ৰথমবাৰৰ বাবে ৰাজহুৱা সভাত অংশ ললে ডঃ হিমন্ত বিশ্ব শৰ্মাই।
তামুলপুৰৰ উন্নয়নৰ খতিয়ান দি উন্নয়নৰ স্বাৰ্থত মিত্ৰজোঁট সমৰ্থিত ইউপিপিএলৰ প্ৰাৰ্থী জলেন দৈমাৰীক ভোট দিয়াৰ আহ্বান জনায় হিমন্ত বিশ্ব শৰ্মাই।
বিজেপি দলত থাকি নিৰ্দলীয় হিচাপে মনোনয়ন দাখিল কৰি পিছত মনোনয়ন উঠাই লোৱা ইমানুৱেল মোছাহাৰী, দেবেন বড়ো আৰু আন এগৰাকী প্ৰাৰ্থী চণ্ডী বসুমতাৰীক ধন্যবাদ জ্ঞাপন কৰে মুখ্যমন্ত্ৰী গৰাকীয়ে।
Also Read: কংগ্ৰেছে আমুৱালে! আজি ভাৰতীয় জনতা পাৰ্টিত যোগদান কৰিলে কেইবাজনো কংগ্ৰেছীয়ে
এক লাখ নিবনুৱা যুৱক যুৱতীক গণি গণি চাকৰি দিয়া, তামুলপুৰত নতুনকৈ ৭০০০ক অৰুণোদয় আঁচনি দিয়াৰ কথাও ঘোষণা কৰে মুখ্যমন্ত্ৰীয়ে।
নৱেম্বৰৰ ভিতৰত মাইক্ৰ’ ফাইনেন্সৰ ঋণ ৰেহাই দিয়াৰ কথাও পুনৰ ঘোষণা কৰে মুখ্যমন্ত্ৰীগৰাকীয়ে।
আনহাতে, অহা ২৬ জানুৱাৰীত তামুলপুৰ নতুন জিলা হিচাপে কাৰ্যক্ষম কৰা হব বুলি ঘোষণা কৰে মুখ্যমন্ত্ৰী ডঃ হিমন্ত বিশ্ব শৰ্মাই।
Also Read: ধ্বংসমুখী অগপ নাই, এতিয়া শক্তিশালী ৰূপত কৰিছে আত্মপ্ৰকাশ; দাবী যুৱ পৰিষদৰ সভাপতিৰ
ইয়াৰোপৰি সভাত উপস্থিত থাকি ভাষণ ৰাখে ৰাজ্যিক বিজেপিৰ সভাপতি ভৱেশ কলিতা, মন্ত্ৰী ৰঞ্জিত কুমাৰ দাস, মন্ত্ৰী ইউ জি ব্ৰহ্মৰ লগতে কেইবাগৰাকীও নেতা-মন্ত্ৰীয়ে।
সেইদৰে, প্ৰমোদ বড়োৱেও সভাত উপস্থিত থাকি ভাষণ ৰাখে আৰু অস্ত্ৰ মুক্ত বিটিচি গঠন হোৱাৰ লগতে স্থায়ী শান্তি প্ৰতিষ্ঠা কৰাৰ কথা উল্লেখ কৰে বিটিচি প্ৰধান গৰাকীয়ে।
