শুকুৰবাৰে কংগ্ৰেছৰ সভাপতি মল্লিকাৰ্জুন খৰ্গে, ৰাহুল গান্ধী আদি শীৰ্ষ নেতাসকলৰ লগত বৈঠকত মিলিত হয় অসম প্ৰদেশ কংগ্ৰেছৰ নৱ নিযুক্ত সভাপতি তথা লোকসভাৰ বিৰোধী উপ-দলপতি গৌৰৱ গগৈ।
২০২৬ চনত অনুষ্ঠিত হ’বলগা অসম বিধানসভা নিৰ্বাচনৰ ৰণকৌশল সম্পৰ্কে আলোচনা কৰে কংগ্ৰেছ নেতাসকলে।
উল্লেখ্য গৌৰৱ গগৈয়ে প্ৰদেশ কংগ্ৰেছৰ সভাপতিৰ পদ লাভ কৰাৰ পিছত হাইকামাণ্ডৰ সৈতে হোৱা এইখনেই আছিল প্ৰথমখব বৈঠক।
এই বৈঠকত মল্লিকাৰ্জুন খৰ্গে , ৰাহুল গান্ধীৰ লগতে কে চি ভেনুগোপাল আৰু জিতেন্দ্ৰ সিংও উপস্থিত থাকে।
ৰাহুল গান্ধীয়ে এই বৈঠক সম্পৰ্কে সামাজিক মাধ্যমত লিখিছে – “আজি মাননীয় ৰাষ্ট্ৰপতি মল্লিকাৰ্জুন খৰ্গে জীৰ নেতৃত্বত কংগ্ৰেছৰ মুখ্য কাৰ্যালয় ইন্দিৰা ভৱনত নৱগঠিত অসম প্ৰদেশ কংগ্ৰেছ কমিটিৰ সদস্য সকলক সাক্ষাৎ কৰা হয়।”
এই বৈঠকৰ কেইবাখনো ছবি সামাজিক মাধ্যমত ৰাহুল গান্ধী আৰু গৌৰৱ গগৈয়ে শ্বেয়াৰ কৰে।
