খেল আৰু ৰাজনীতি : টুইট শ্বেয়াৰ কৰি কংগ্ৰেছে সমৰ্থন কৰিলে বিজেপিক 

ৰাজনীতিত মতাদৰ্শৰ বহু পাৰ্থক্য দেখা যায়। কংগ্ৰেছ আৰু বিজেপিয়ে বিভিন্ন বিষয়ত পৰস্পৰে পৰস্পৰক আক্ৰমণ কৰে। দুই দল দুটা বিপৰীত মেৰুত আছে। কিন্তু, দেশৰ কথা আহিলে সকলোৰে এটাই পৰিচয় ভাৰতীয়। দেওবাৰে ক্ৰিকেট বিশ্বকাপৰ ফাইনেলৰ দিনা এনে এখন ছবি ধৰা পৰিল। কংগ্ৰেছে বিজেপিৰ সৈতে সহমতত তেওঁলোকৰ টুইট শ্বেয়াৰ কৰে।

টুইটটোত কি আছে?

আহমেদাবাদৰ নৰেন্দ্ৰ মোডী ষ্টেডিয়ামত বিশ্বকাপৰ ফাইনেলত ভাৰতে অষ্ট্ৰেলিয়াৰ বিৰুদ্ধে খেলিছে। খেল আৰম্ভ হোৱাৰ প্ৰাকক্ষণত বিজেপিয়ে ভাৰতীয় দলক উৎসাহিত কৰি এক টুইট পোষ্ট কৰে। ইয়াত লিখা আছে, Come on Team India! 

Come on Team India! 🇮🇳🏏🏆

We believe in you!

— BJP (@BJP4India) November 19, 2023

টুইটটো পোষ্ট কৰাৰ ১৪ মিনিট পিছত কংগ্ৰেছে শ্বেয়াৰ কৰে। কেৱল শ্বেয়াৰ কৰাই নহয়, কংগ্ৰেছে কেপচনত লিখিছে, সঁচা! জিতেগা ইণ্ডিয়া।

True that!

JEETEGA INDIA 🇮🇳 https://t.co/nLEInv14WR

— Congress (@INCIndia) November 19, 2023

বিশ্বকাপৰ ফাইনেল মেচ সন্দৰ্ভত কংগ্ৰেছে বিজেপিৰ সৈতে সন্মতি প্ৰকাশ কৰা টুইট পোষ্টটো বৰ্তমানৰ ৰাজনীতিত বিশেষভাৱে তাৎপৰ্যপূৰ্ণ। অৱশ্যে বহু সমালোচকে ইয়াক সমালোচনা কৰিছে। এই পোষ্টৰ জৰিয়তে কংগ্ৰেছে দ্বৈত অৰ্থ প্ৰয়োগ কৰিছে।