কংগ্ৰেছ সাংসদ আৰু দলটোৰ জ্যেষ্ঠ নেতা প্ৰত্যুৎ বৰদলৈয়ে দেওবাৰে কয় যে বিধানসভা নিৰ্বাচনত যদি কংগ্ৰেছ ক্ষমতালৈ আহে, তেন্তে লুই বাৰ্জাৰ আৰু সাৰদা কেলেংকাৰীৰ গোচৰৰ ফাইলসমূহ পুনৰ খোলা হ’ব।
নিৰ্বাচনৰ তৃতীয় আৰু অন্তিম পৰ্যায়ৰ ভোটগ্ৰহণৰ পূৰ্বে বৰদলৈয়ে এনেদৰে মহাপ্ৰতাপী মন্ত্ৰী হিমন্তবিশ্ব শৰ্মাক আক্ৰমণ কৰে।
”সাৰদা, ডিমা হাচাউ জিলা পৰিষদৰ কেলেংকাৰীৰ পৰা লুই বাৰ্জাৰ কেলেংকাৰীলৈকে, তেওঁৰ নাম সাঙোৰ খাইছিল।”- সাংসদ বৰদলৈয়ে এইদৰে কয়- ”কেন্দ্ৰীয় চৰকাৰে এটা দুতলীয়া স্থিতি লৈ আহিছে, তেওঁলোকে গোৱাত লুই বাৰ্জাৰ গোচৰসমূহৰ ব্যৱস্থা লৈছিল, কাৰণ গোৱাত বিৰোধী চৰকাৰ আছিল। অসমত হিমন্তবিশ্ব শৰ্মা মূল অভিযুক্ত, কিন্তু সকলোবিলাক গাপ দি থোৱা হৈছে।”
তেওঁ কয় যে কংগ্ৰেছ দলৰ হৈ ঘোষণা কৰিবলৈ উলাইছে যে দলে চৰকাৰ গঠন কৰিলে গোচৰসমূহ পুনৰ চলোৱা হ’ব, কাৰণ ন্যায় প্ৰদান কৰিবই লাগিব।
