আশাৰ সঞ্চাৰ; ভাৰতত ১ লাখ অতিক্ৰম ক’ৰ’নাৰ পৰা আৰোগ্য লাভ কৰা লোকৰ সংখ্যা
দেশত ক’ৰ’নাৰ সংক্ৰমণৰ সময়তে সকলোৰে বাবে এটা আশাৰ খবৰ আহিছে।
আজি ভাৰতত চিকিৎসাৰ অন্তত ক’ৰ’নাৰ পৰা সম্পূৰ্ণৰূপে আৰোগ্য হোৱা লোকৰ সংখ্যাই ১ লাখ অতিক্ৰম কৰে।
বৰ্তমানলৈ ভাৰতত মুঠ ১,০০,৩০২ গৰাকী লোক চিকিৎসাৰ অন্তত সম্পূৰ্ণৰূপে সুস্থ হৈ নিজ ঘৰলৈ উভতি গৈছে।
ভাৰতত মুঠ ক’ৰ’না আক্ৰান্তৰ সংখ্যা বুধবাৰে ২,০৭,৬১৫ গৰাকীলৈ বৃদ্ধি পালেও সুস্থ হোৱা লোকৰ সংখ্যাই সকলোৰে মনত আশাৰ সঞ্চাৰ কৰিছে।
ভাৰতত বৰ্তমান ১,০১,৪৯৭ গৰাকী লোক চিকিৎসাধীন হৈ থকাৰ বিপৰীতে এতিয়ালৈ মৃত্যু হৈছে ৫,৮১৫ গৰাকী লোকৰ।
ভাৰতত ক’ৰ’নাৰ পৰা আৰোগ্য লাভৰ হাৰ প্ৰায় ৫০ শতাংশ।
উল্লেখযোগ্য যে, য়ুনাইটেড কিংডমত বৰ্তমানলৈ মুঠ ২,৭৭,৯৮৫ গৰাকী লোক ক’ৰ’না ভাইৰাছৰ দ্বাৰা আক্ৰান্ত হৈছে আৰু ইয়াৰ ভিতৰত ৩৯,৩৬৯ গৰাকী লোকে প্ৰাণ হেৰুৱাইছে।
য়ুনাইটেড কিংডমৰ পৰিসংখ্যাৰ সৈতে ভাৰতৰ পৰিসংখ্যা তুলনা কৰিলে ভাৰতত এতিয়ালৈ মৃত্যুৰ হাৰ যথেষ্ট কম।
বিশ্বৰ ভিতৰত আমেৰিকা যুক্তৰাষ্ট্ৰত সৰ্বাধিক সংখ্যক লোক ক’ৰ’নাত আক্ৰান্ত হৈছে আৰু ইয়াৰ ফলত মৃত্যু হৈছে।
আমেৰিকা যুক্তৰাষ্ট্ৰত ক’ৰ’নাৰ ফলত মৃত্যু হোৱা লোকৰ সংখ্যাই ১ লাখ অতিক্ৰম কৰিছে।