ভাৰতত দ্ৰুত গতিত বৃদ্ধি পাইছে ক’ৰ’না ভাইৰাছৰ সংক্ৰমণৰ ঘটনা।
বিগত ২৪ ঘণ্টাত ভাৰতত মুঠ ক’ৰ’না আক্ৰান্তৰ সংখ্যাই ১৫ লাখৰ ঘৰ অতিক্ৰম কৰিছে।
বিগত ২৪ ঘণ্টাত ভাৰতত মুঠ ৪৮,৫১৩ গৰাকী লোক ক’ৰ’না ভাইৰাছৰ দ্বাৰা সংক্ৰমিত হোৱাৰ বিপৰীতে দেশত মুঠ ক’ৰ’না আক্ৰান্তৰ সংখ্যা ১৫,৩১,৬৬৯ গৰাকীলৈ বৃদ্ধি পায়।
দেশৰ বিভিন্ন চিকিৎসালয়ত বৰ্তমান সময়ত চিকিৎসাধীন হৈ থকা সক্ৰিয় কোভিড ৰোগীৰ সংখ্যাও ৫,০৯,৪৪৭ গৰাকীলৈ বৃদ্ধি পাইছে।
আনহাতে, ভাৰতত ক’ৰ’নাৰ সংক্ৰমণৰ ফলত মৃত্যু হোৱা লোকৰ সংখ্যাও ৩৪,১৯৩ গৰাকীলৈ বৃদ্ধি পায়।
তদুপৰি, ভাৰতত এতিয়ালৈ চিকিৎসাৰ অন্তত মুঠ ৯,৮৮,০২৯ গৰাকী লোক কোভিড-১৯ৰ সংক্ৰমণৰ পৰা আৰোগ্য হৈ উঠিছে।
২৮ জুলাইত দেশত মুঠ ৪,০৮,৮৫৫ গৰাকী লোকৰ ক’ৰ’না পৰীক্ষা কৰা হয়।
