লকডাউনৰ মাজতে বঁটা বিজয়ী শিক্ষক পৱন কুমাৰ ঝাৰ নেতৃত্বত মঙলদৈ মহকুমা প্ৰাথমিক শিক্ষক সন্মিলনীয়ে লৈছে এই ব্যতিক্ৰমী পদক্ষেপ।
প্ৰাথমিক শিক্ষকৰ সংস্থাটোৱে ফোন আৰু হোৱাটছএপৰ জৰিয়তে ছাত্ৰ-ছাত্ৰীৰ মাজত স্বাস্থ্য সম্বন্ধীয় সজাগতা বিয়পোৱাৰ লগতে শিক্ষাদান কৰিছে।
লকডাউনত বন্ধ হৈ পৰা বিদ্যালয়সমূহৰ ছাত্ৰ-ছাত্ৰীসকলৰ ভৱিষ্যতৰ কথা মনত ৰাখি মঙলদৈৰ শিক্ষক সংস্থাটোৱে এই পদক্ষেপ গ্ৰহণ কৰিছে।
শিক্ষক সংস্থাটোৰ সভাপতি পৱন কুমাৰ ঝাই নৰ্থইষ্ট নাওক কয়, “লকডাউনৰ সময়চোৱাত আমাৰ সংগঠনৰ সদস্যসকলে ফোন আৰু হোৱাটছএপৰ জৰিয়তে ছাত্ৰ-ছাত্ৰীৰ সৈতে অনবৰত সম্পৰ্কত থকাৰ বাবে চেষ্টা কৰিছে।”
কৰ’নাভাইৰাছৰ বিৰুদ্ধে সজাগতাৰ লগতে ছাত্ৰ-ছাত্ৰীক নৈমিত্তিক পাঠদানো আগবঢ়োৱাৰ চেষ্টা কৰা হৈছে।
“শ্ৰেণীসমূহৰ লোকচান যাতে পূৰাব পৰা যায় তাৰ বাবে সম্ভৱপৰ সকলো সহায় আৰু নিৰ্দেশনা আগবঢ়োৱাৰ চেষ্টা কৰা হৈছে,” ঝাই কয়।
তেওঁ লগতে কয় যে লকডাউনৰ সময়ত নিজকে ঘৰত আবদ্ধ ৰখাৰ গুৰুত্ব সম্পৰ্কে ছাত্ৰ-ছাত্ৰী আৰু অভিভাৱকসকলক তেওঁলোকে সজাগ কৰাৰ চেষ্টা কৰিছে।
উল্লেখযোগ্য যে লকডাউনৰ পূৰ্বেও ঝাই স্থানীয় কিছু জনাজাত ব্যক্তিৰ সৈতে লগ হৈ কৰ’নাভাইৰাছৰ বিৰুদ্ধে ল’ব লগা সাৱধানতা সম্পৰ্কে ঘৰে ঘৰে গৈ প্ৰচাৰ চলাইছিল।
তেওঁলোকে স্থানীয় ৰাইজৰ মাজত চাবোন, মাস্ক, গোহাৰি আদি বিতৰণৰ লগতে সজাগতাৰ বাবে ৰাজহুৱা স্থানত বেনাৰো আঁৰি দিছিল।
