কৰ’নাত বিধ্বস্ত দেশ! আৰ্তজনক সহায়ৰ হাত আগবঢ়াবলৈ আগুৱাই আহিল ইৰফান-ইউছুফ

দেশত প্ৰতিদিনে কৰ’নাত হাজাৰ হাজাৰ লোকৰ মৃত্যু ঘটিছে।কৰ’না আক্ৰান্ত ৰোগীৰ চিকিৎসাৰ বাবে হাস্পাতালসমূহত বিছনা তথা অক্সিজেনৰ বাবে জটিল পৰিস্থিতিৰ সৃষ্টি হৈছে।

এনে সংকটকালীন পৰিস্থিতিত দেশক সহায়ৰ হাত আগবঢ়াবলৈ আগুৱাই আহিছে বহুতো মহানুভৱ ব্যক্তিৰ লগতে সংস্থাই।

এইবাৰ কৰ’না আক্ৰান্ত লোকৰ কাষত থিয় হৈছে দুই ক্ৰিকেটাৰ ভাতৃ ইৰফান পাঠান আৰু ইউছুফ পাঠান।

তেওঁলোকে জানিবলৈ দিয়ে যে তেওঁলোকৰ ক্ৰিকেট একাডেমীৰ পৰা দক্ষিণ দিল্লীৰ কৰ’না আক্ৰান্তসকলক বিনামূলীয়াকৈ খাদ্য বিতৰণ কৰা হ’ব।

ইৰফান পাঠানে টুইট কৰি জনায়,‘’সমগ্ৰ দেশে যেতিয়া কৰ’নাৰ দ্বিতীয় ঢৌৰ সৈতে যুঁজ দিছে, সেই সময়ত আমাৰ সকলোৰে দায়িত্ব আৰ্তজনলৈ সহায় হাত আগবঢ়োৱা। দক্ষিণ দিল্লীৰ কৰ’না আক্ৰান্তসকলক আমাৰ একাডেমীৰ পৰা বিনামূলীয়াকৈ খাদ্য বিতৰণ কৰা হ’ব।‘’

While the nation is in the midst of second wave of COVID-19, it becomes our responsibility to come together and assist the people in need. Taking inspiration from the same, Cricket Academy of Pathans (CAP) is going to provide free meals to COVID-19 affected people in South Delhi. pic.twitter.com/8Binh0HH2h

— Irfan Pathan (@IrfanPathan) May 5, 2021

ইয়াৰ পূৰ্বে বহুকেইটা সামাজিক প্ৰকল্পত এই দুই ভাতৃ আগুৱাই আহিছিল। যোৱা বছৰো এনেকুৱা সময়ত দুয়োজনে মাস্ক বিতৰণ কৰিছিল।

আনহাতে, তেওঁলোকৰ পিতৃ মেহমুদ খানে নিজৰ স্বেচ্ছাসেৱী সংস্থাৰ জৰিয়তে বিনামূলীয়া খাদ্য বিতৰণ কৰিছিল।