দলবিৰোধী কাৰ্যত লিপ্ত হোৱাৰ আভিযোগ : বহুজন সমাজ পাৰ্টিয়ে নিলম্বন কৰিলে ডানিশ আলিক

দলবিৰোধী কাৰ্যকলাপত জড়িত থকাৰ অভিযোগ উত্থাপন কৰি বহুজন সমাজ পাৰ্টিৰ পৰা নিলম্বন কৰা হৈছে দলটোৰ প্ৰভাৱশালী তথা জ্যেষ্ঠ নেতা ডানিশ আলীক। 

নিলম্বনৰ পূৰ্বে ডালিশ আলিলৈ দলৰ তৰফৰ পৰা প্ৰেৰণ কৰা এক পত্ৰত কোৱা হৈছিল, “আপোনাক কেইবাবাৰো এনেকুৱা মন্তব্য বা কাম নকৰিবলৈ কোৱা হৈছে যিয়ে দলৰ নীতি, মতাদৰ্শ আৰু অনুশাসনৰ বিৰুদ্ধে যায়। ইয়াৰ পিছতো আপুনি দলৰ বিৰুদ্ধে কাম কৰি আহিছে।”

উল্লেখ্য যে  আলীয়ে উত্তৰ প্ৰদেশৰ পৰা সংসদ হিচাপে লোকসভাত আমৰোহা সমষ্টিক প্ৰতিনিধিত্ব কৰে।

ইয়াৰ পূৰ্বে বিজেপিৰ সাংসদ ৰমেশ বিধুৰীয়ে লোকসভাত ডানিশ আলীক লৈ কৰা অৱমাননামূলক মন্তব্যই এক উল্লেখযোগ্য ৰাজনৈতিক বিতৰ্কৰ সৃষ্টি কৰিছিল, যাৰ ফলত বিধুৰীৰ বিৰুদ্ধে ব্যৱস্থা গ্ৰহণ নকৰিলে সংসদৰ পৰা পদত্যাগ কৰাৰ হুংকাৰ দিছিল বিএছপিৰ সদস্যগৰাকীয়ে।

বিৰোধীৰ একাধিক সদস্যই বিধুৰীৰ এই মন্তব্যক সমালোচনা কৰি ‘লজ্জাজনক’ আৰু ‘আপত্তিজনক’ বুলি গণ্য কৰিছিল।