বিশ্বনাথ ঘাটৰ পশ্চিম-দক্ষিণ দিশৰ কাজিৰঙাৰ দাঁতিকাষৰীয়া অঞ্চলৰ ব্ৰহ্মপুত্ৰৰ পানীযুঁৱলীত উদ্ধাৰ হৈছে এটা মৃতদেহ ৷
মৃতদেহটো গঁড় চিকাৰী আচমত আলী ওৰফে নালকোৰ বুলি সন্দেহ কৰা হৈছে ৷
আজি বিশ্বনাথৰ নদী আৰক্ষীয়ে মৃতদেহটো উদ্ধাৰ কৰিবলৈ সক্ষম হয়।
ঘটনাস্থলীত উপস্থিত হৈছে বিশ্বনাথৰ উপ-আৰক্ষী অধীক্ষকসহ দণ্ডাধীশ।
উল্লেখ্য যোৱা ১৭ ফেব্ৰুৱাৰীৰ নিশা কেৰেলাত গ্ৰেপ্তাৰ হোৱা গঁড় চিকাৰী নালকোৱে বিশ্বনাথ আৰক্ষীৰ জিম্মাৰ পৰা ব্ৰহ্মপুত্ৰৰ বুকুত জাপ দি পলায়ন কৰিছিল ।
উক্ত দিনা লুকুৱাই ৰখা অস্ত্ৰ-শস্ত্ৰ আৰু গঁড়ৰ খৰ্গৰ সম্ভেদ দিবলৈ বিশ্বনাথঘাটৰ সমীপৰ ব্ৰহ্মপুত্ৰৰ কেটেং টাপুলৈ নিয়াৰ সময়তে আন্ধাৰৰ সুযোগ লৈ ব্ৰহ্মপুত্ৰৰ বুকুত জঁপিয়াই পলায়ন কৰিছিল নালকোৱে৷
তেতিয়াৰে পৰা গঁড় চিকাৰীটোৰ সন্ধানত আৰক্ষী,এন ডি আৰ এফে অভিযান চলাই আছিল।
এনে অভিযানৰ মাজতে ৭ দিনৰ মূৰত আজি নিশা উদ্ধাৰ হয় গঁড় চিকাৰীটোৰ মৃতদেহ৷
