এগৰাকী ১৫ বছৰীয়া মূক আৰু বধিৰ কিশোৰীক তিনিজন লোকে গণধৰ্ষণ কৰাৰ ঘটৱা পোহৰলৈ আহিছে।
ঘটনাটো সংঘটিত হৈছে বিহাৰৰ মধুবানী জিলাৰ এখন গাঁৱত।
বুধবাৰে আৰক্ষীয়ে প্ৰকাশ কৰা ঘটনাৰ বিৱৰণীৰ অনুসৰি ১৫ বছৰীয়া মূক আৰু বধিৰ কিশোৰীগৰাকীক তিনিজন লোকে গণধৰ্ষণ কৰি দুয়োটা চকুকে চোকা অস্ত্ৰেৰে ঘুঁকটিয়াই পেলায়।
চিকিৎসকৰ উদ্ধৃতিৰে আৰক্ষীয়ে প্ৰকাশ কৰিছে যে ইয়াৰ ফলত কিশোৰী গৰাকীৰ দুয়োটা চকুৱেই সম্পূৰ্ণৰূপে নষ্ট হৈ গৈছে।
মংগলবাৰে ঘটনাটো সংঘটিত হোৱাৰ পিছতে কিশোৰীগৰাকীক গাঁৱৰ সমীপৰ এখন গেজিং পথাৰৰ পৰা উদ্ধাৰ কৰা হয় বুলি আৰক্ষী বিষয়া সত্য প্ৰকাশে জানিবলৈ দিছে।
গঞাই প্ৰকাশ কৰা অনুসৰি কিশোৰীগৰাকীয়ে গাঁৱৰ অন্যান্য শিশু-কিশোৰ-কিশোৰীৰ সৈতে গেজিঙতে খেলা ধূলা কৰি আছিল। তাৰ পৰাই কিশোৰীগৰাকী নিৰুদ্দেশ হয় আৰু পিছত গেজিঙৰ ভিতৰত অচেতন অৱস্থাত পৰি থকা আৱিস্কাৰ কৰে।
লগে লগে তেওঁলোকে কিশোৰীগৰাকীৰ পৰিয়ালক খবৰ দিয়ে। ইয়াৰ পিছতে কিশোৰীগৰাকীক চিকিৎসাৰ বাবে মধুবানী চিকিৎসালয়ত ভৰ্তি কৰোৱা হয়। জানিব পৰা মতে কিশোৰীগৰাকী সংকটজনক অৱস্থাত চিকিৎসাধীন হৈ আছে।
ইতিমধ্যে ঘটনাৰ সৈতে জড়িত থকাৰ সন্দেহত তিনিজনক লোকক আৰক্ষীয়ে গ্ৰেপ্তাৰ কৰিছে।
