গুৱাহাটী মহানগৰীৰ কৃত্ৰিম বানপানীৰ সমস্যা দিনক দিনে বৃদ্ধি পোৱা দেখা পোৱা গৈছে।
এনে সময়তে বিৰোধী দলপতি দেৱব্ৰত শইকীয়া বানপানীৰ সমস্যাক লৈ ১০খনকৈ “Super Sucker” ট্ৰাক ৩০ কোটি টকা ব্যয় কৰি মন্ত্রী অশোক সিংঘালে পুঁজিৰ অপব্যৱহাৰ কৰিলে বুলি এক মন্তব্য প্ৰকাশ কৰিছে।
তেওঁ কয় “যোৱা সময়ছোৱাত কৃত্ৰিম বানৰ সমস্যা গুৱাহাটী মহানগৰীত দিনক দিনে ভয়াৱহ হৈ পৰিছে। এইক্ষেত্ৰত চৰকাৰে বিগত সময়ছোৱাত কৃত্ৰিম বান নিয়ন্ত্ৰণৰ বাবে লোৱা কোনো আঁচনিয়েই ফলপ্রসূ হোৱা দেখা পোৱা নাই। ইতিমধ্যে গুৱাহাটী মহানগৰী কৃত্ৰিম বানৰ ফলত জলমগ্ন হৈ পৰিছে। এই পৰিস্থিতিৰ পৰা পৰিত্ৰাণ পাবলৈ যথাযথ পদক্ষেপ গ্ৰহণ কৰাত গুৱাহাটী উন্নয়ন,নগৰ আৰু পৰিকল্পনা বিভাগৰ মন্ত্ৰী অশোক সিংঘল ব্যৰ্থ হৈছে।”
“গুৱাহাটীৰ নলা নৰ্দমা সমূহ পৰিষ্কাৰ কৰাৰ লক্ষ্যৰে ৩০ কোটি টকা ব্যয় কৰি ১০খন “Super Sucker”কিনিছিল যদিও তাৰেই কেইখনমান গুৱাহাটীৰ কাৰণে উপযুক্ত নহয়। এই সন্দৰ্ভত মুখ্যমন্ত্ৰীক অশোক সিংঘলক জবাবদিহি কৰিবলৈ দাবী জনাইছোঁ।” তেওঁ লগতে কয়।
