এজন মানুহে তীব্ৰ পেটৰ বিষত চিকিৎসকৰ ওচৰলৈ গৈছিল। চিকিৎসকে তেওঁক বিষৰ কাৰণ চিনাক্ত কৰিবলৈ শাৰীৰিক পৰীক্ষা কৰিবলৈ কয়। পৰীক্ষাৰ প্ৰতিবেদন পোৱাৰ পিছত চিকিৎসকৰ চকু কপালত উঠিল। ৰিপ’ৰ্ট দেখা গ’ল যে ব্যক্তিজনৰ পেটৰ ভিতৰত সুৰাৰ বটল এটা আছে। আৰু তাৰ বাবেই তেওঁ তীব্ৰ পেটৰ বিষত ভুগি আছে। পিছত অস্ত্ৰোপচাৰৰ কৰি বটলটো আঁতৰ কৰা হয়।
২৬ বছৰীয়া নুৰছাদ মনচুৰীৰ লগত ঘটিছিল এই আচৰিত ঘটনাটো। তেওঁৰ ঘৰ নেপালৰ ৰাউতাহাট জিলাৰ গুজাৰা পৌৰসভা এলেকাত। স্থানীয় সংবাদ মাধ্যমৰ মতে, শুকুৰবাৰে নুৰছাদৰ প্ৰায় আঢ়ৈ ঘণ্টা অস্ত্ৰোপচাৰ চলিছিল। পাঁচ দিন আগতে, তেওঁক পেটৰ তীব্ৰ বিষত স্থানীয় চিকিৎসালয়ত ভৰ্তি কৰোৱা হৈছিল।
লগতে পঢ়ক: বিজেপিৰ বিৰুদ্ধে ঐক্যবদ্ধ ৰাজ্যৰ ১০টা ৰাজনৈতিক দল; এলাগী আপ, এআইইউডিএফ, তৃণমূল!
নুৰছাদৰ অস্ত্ৰোপচাৰৰ সৈতে জড়িত এজন চিকিৎসকে সংবাদ মাধ্যমক কয় যে নুৰছাদে পেটৰ ভিতৰত এটা সুৰাৰ বটল লৈ ঘূৰি ফুৰিছিল। সেইকাৰণে তেওঁৰ পেটত বিষ হৈছিল। বটলটোৱে তেওঁৰ অন্ত্ৰ ক্ষতিগ্ৰস্ত কৰিছিল। অস্ত্ৰোপচাৰৰ পিছত নুৰছাদ এতিয়া বিপদমুক্ত হৈছে।
কিন্তু প্ৰশ্ন হয় যে কেনেকৈ সুৰাৰ বটল এটা নুৰছাদৰ পেটলৈ গৈছিল। আচৰিত ঘটনাটো আৰক্ষীৰ ওচৰো পায়গৈ। কাৰণটো বিচাৰিবলৈ আৰক্ষী তদন্তত নামিছে। তদন্ত চলি আছে। অৱশ্যে, প্ৰাৰম্ভিক অনুসন্ধানৰ পিছত আৰক্ষীয়ে ধাৰণা কৰে যে বন্ধুসকলে সুৰাৰ আড্ডাত নুৰছাদৰ সৈতে এনে কাম কৰিব পাৰে। সুৰাপান কৰাৰ পিছত মাতাল অৱস্থাত হয়তো নুৰছাদৰ মলদ্বাৰৰ মাজেৰে সুৰাৰ বটলটো বলপূৰ্বক সুমুৱাই দিয়া হৈছিল।
লগতে পঢ়ক:প্ৰযুক্তিৰ যুদ্ধ! টুইটাৰক প্ৰত্যাহ্বান জনাই এটা নতুন এপ লৈ আহিছে মেটাই! কি আছে ইয়াত?
আৰক্ষীয়ে সন্দেহৰ ভিত্তিত নুৰছাদৰ বন্ধুবৰ্গক জেৰা কৰি আছে। আৰক্ষীয়ে শ্বেখ শ্বামীম নামৰ এজন লোকক সন্দেহজনক হিচাপে গ্ৰেপ্তাৰ কৰিছে। শ্বামীম নুৰছাদৰ এজন বন্ধু।
ৰাউতাহাটৰ আৰক্ষী অধীক্ষক বীৰ বাহাদুৰ বৌদ্ধই কয়, “আমি ঘটনাটোৰ তদন্ত অব্যাহত ৰাখিম। শ্বামীমকে ধৰি নুৰছাদৰ সকলো বন্ধুক সোধা-পোছা কৰা হ’ব।‘’
