গৰ্ভাৱস্থা হৈছে প্ৰতিগৰাকী মহিলাৰ জীৱনৰ আটাইতকৈ গুৰুত্বপূৰ্ণ সময়। গৰ্ভধাৰণৰ পৰা আৰম্ভ কৰি সন্তান জন্ম দিয়ালৈকে প্ৰতিটো মুহূৰ্ত এগৰাকী মহিলাৰ বাবে অতি প্ৰত্যাহ্বানজনক।
গৰ্ভাৱস্থাৰ পিছত প্ৰতিগৰাকী মহিলাৰ শৰীৰত হৰম’নৰ পৰিৱৰ্তন ঘটে যদিও তেওঁলোকৰ জীৱনতো আন বহুতো পৰিৱৰ্তন ঘটে। গৰ্ভত যি আছে তাৰ লাভ-লোকচানৰ কথা মনত ৰাখিহে এগৰাকী মাতৃয়ে প্ৰতিটো খোজ আগবঢ়ায়।
কিন্তু কেৱল গৰ্ভাৱস্থাতেই নহয়, প্ৰসৱৰ পিছতো নাৰীৰ জীৱনত এনে বহু পৰিবৰ্তন ঘটে যাৰ প্ৰতি আমি বিশেষ গুৰুত্ব নিদিওঁ। আজি এই লেখাটোত আমি প্ৰসৱৰ পিছত দেখা দিয়া কিছু শাৰীৰিক পৰিৱৰ্তনৰ বিষয়ে আলোচনা কৰিম।
১/ স্তনৰ আকাৰৰ পৰিৱৰ্তন
আমি সকলোৱে জানো যে স্তনপান কৰিলে মহিলাৰ স্তনৰ আকাৰ বৃদ্ধি পায়। কিন্তু শিশুৱে স্তনপান বন্ধ কৰাৰ পিছত স্তনৰ আকৌ আকাৰ কমি যায়।
২/ ভৰিৰ আকৃতিৰ পৰিৱৰ্তন
গৰ্ভাৱস্থাত মহিলাৰ শৰীৰত বহু পৰিৱৰ্তন ঘটে, যাৰ বাবে কিছুমান সমস্যাও দেখা দিয়ে। গৰ্ভাৱস্থাত বহু মহিলাৰ ভৰি ফুলি উঠে যদিও প্ৰসৱৰ পিছত ভৰিৰ আকৃতি সলনি হ’ব পাৰে। খবৰ অনুসৰি গৰ্ভাৱস্থাত অতিৰিক্ত ওজন থকা মহিলাসকলে ২০-২৫ কিলোগ্ৰাম পৰ্যন্ত ওজন বৃদ্ধি পায়, আৰু এই ওজন ভৰিৰ ওপৰত পৰে, যাৰ ফলত ভৰিৰ আকাৰ বৃদ্ধি হ’ব পাৰে। শৰীৰৰ হৰম’নৰ পৰিৱৰ্তনৰ ফলতো এই সমস্যাৰ সৃষ্টি হ’ব পাৰে।
৩/ পেটৰ আকাৰ
বহুতে ভাবে যে সন্তান জন্ম দিয়াৰ লগে লগেই পেটটো আগৰ আকৃতিলৈ ঘূৰি যায়, কিন্তু এইটো সঁচা নহয়। পেটটো স্বাভাৱিক অৱস্থালৈ ঘূৰি আহিবলৈ ৬-৮ সপ্তাহলৈকে সময় লাগিব পাৰে।
৪/ যৌন ইচ্ছা কমি যোৱা
মহিলাৰ যৌন ইচ্ছা গৰ্ভাৱস্থাৰ পিছত হ্ৰাস পোৱাৰ সম্ভাৱনা থাকে। এক প্ৰতিবেদন অনুসৰি প্ৰসৱৰ পিছত মহিলাসকলে পুনৰ যৌন ইচ্ছা অনুভৱ কৰিবলৈ এবছৰ পৰ্যন্ত সময় লাগিব পাৰে। দৰাচলতে গৰ্ভাৱস্থাত মহিলাৰ ইষ্ট্ৰজেনৰ মাত্ৰা বৃদ্ধি পায় আৰু প্ৰসৱৰ পিছত দ্ৰুতগতিত হ্ৰাস পায়, যাৰ ফলত যৌন ইচ্ছাৰ অভাৱ হয়।
৫/ চুলি সৰা
প্ৰসৱৰ পিছত চুলি সৰাটো অতি স্বাভাৱিক। গৰ্ভাৱস্থাত ইষ্ট্ৰজেনৰ মাত্ৰা বৃদ্ধিৰ ফলত চুলি সৰা নসৰে যদিও প্ৰসৱৰ পিছত চুলি সৰিবলৈ আৰম্ভ কৰে।
লগতে পঢ়কঃ ৰাতিপুৱা শুই উঠিয়েই যৌন সম্পৰ্কে কৰাৰো আছে আচৰিত উপকাৰিতা, জানো আহক
লগতে পঢ়কঃ সংগমৰ আগত বা পিছত প্ৰস্ৰাৱ কৰে নেকি? কৰিব লাগে নে নালাগে? জানো আহক
লগতে পঢ়কঃ সমীক্ষাৰ চাঞ্চল্যকৰ দাবী, পূৰ্বৰ প্ৰজন্মৰ তুলনাত তৰুণ-তৰুণীৰ মাজত হ্ৰাস পাইছে যৌনতাৰ চাহিদা!
