আমেৰিকা যুক্তৰাষ্ট্ৰৰ প্ৰাক্তন ৰাষ্ট্ৰপতি ডোনাল্ড ট্ৰাম্পে দেশখনৰ প্ৰাক্তন বৈদেশিক মন্ত্ৰী হিলাৰী ক্লিন্টনৰ বিৰুদ্ধে গোচৰ তৰিছে।
ট্ৰাম্পে এই গোচৰত হিলাৰীৰ উপৰি ডেম’ক্ৰেটিক পাৰ্টিৰ আন কেইবাজনো নেতা তথা সহযোগী প্ৰতিষ্ঠানৰ নামো উল্লেখ কৰিছে।
আমেৰিকাৰ সংবাদ মাধ্যমৰ উদ্ধৃতিৰে আন্তৰ্জাতিক সংবাদ মাধ্যমসমূহত প্ৰকাশিত বাতৰি অনুসৰি ২০১৬চনৰ নিৰ্বাচনী প্ৰচাৰৰ সময়ত ট্ৰাম্পৰ সৈতে ৰাছিয়াৰ সম্পৰ্কৰ দাবী তুলি ডেম’ক্ৰেট শিৱিৰৰ পৰা যি অভিযোগ অনা হৈছিল তাক লৈয়েই এতিয়া ৰিপাব্লিকান নেতাগৰাকীয়ে গোচৰ তৰিছে।
লগতে পঢ়ক: যুদ্ধৰ খবৰ: ইউক্ৰেইনৰ থিয়েটাৰ গৃহত ৰাছিয়ান সেনাৰ আক্ৰমণ; ৩০০লোক নিহতৰ আশংকা
গোচৰটোত ট্ৰাম্পে ক্ষতিপূৰণ আৰু শাস্তিৰ ব্যৱস্থা কৰিবলৈকো আবেদন জনাইছে। এই ক্ষতিপূৰণৰ পৰিমান ২কোটি ৪০লাখ ডলাৰ হ’ব পাৰে বুলিও কোৱা হৈছে।
কিন্তু এই সন্দৰ্ভত প্ৰসিদ্ধ আইনজ্ঞ জেফ গ্ৰলে কয় যে ট্ৰাম্পে এই গোচৰ তৰাৰ ক্ষেত্ৰত ইতিমধ্যে বহু পলম কৰিছে। আনহাতে, এইক্ষেত্ৰত হিলাৰী ক্লিন্টনে এতিয়ালৈকে কোনো প্ৰতিক্ৰিয়া প্ৰকাশ কৰা নাই।
