কাইলৈ অৰ্থাৎ দেওবাৰে এছিয়া কাপত প্ৰথমবাৰৰ বাবে মুখামুখি হ’ব ভাৰত আৰু পাকিস্তান। পেহেলগামত পাকিস্তান সমৰ্থিত সন্ত্ৰাসবাদী আক্ৰমণ আৰু তাৰ পাছৰ অপাৰেচন সেন্দুৰে দুয়োখন দেশৰ মাজত বিভিন্ন কূটনৈতিক উত্তেজনাৰ সৃষ্টি কৰিছে। এনে পৰিস্থিতিত তৃণমূলৰ সৰ্বভাৰতীয় সাধাৰণ সম্পাদক অভিষেক বেনাৰ্জীয়ে ভাৰত-পাকিস্তান ক্ৰিকেট খেলৰ বিৰোধিতা কৰে। এইবাৰ দেওবাৰে শিৱসেনাৰ নেতা উদ্ধৱ থাকৰে সমগ্ৰ মহাৰাষ্ট্ৰতে খেল বৰ্জনৰ দাবীত দিনজোৰা প্ৰতিবাদৰ কথা ঘোষণা কৰে।
শনিবাৰে মুম্বাইত সংবাদমেল আহ্বান কৰি উদ্ধৱ থাকৰে কয় যে, আমি ভাৰত-পাকিস্তান এছিয়া কাপৰ খেল বৰ্জনৰ দাবীত প্ৰতিবাদ কৰিম। যাতে সমগ্ৰ বিশ্বই জানে সন্ত্ৰাসবাদৰ প্ৰতি আমাৰ দৃষ্টিভংগী কি। মহাৰাষ্ট্ৰৰ প্ৰাক্তন মুখ্যমন্ত্ৰীৰ ভাষাত আমাৰ প্ৰধানমন্ত্ৰীয়ে কৈছিল, তেজ আৰু পানী একেলগে বৈ যাব নোৱাৰে। গতিকে মোৰ প্ৰশ্ন হৈছে তেজ আৰু ক্ৰিকেট একেলগে কেনেকৈ বৈ যাব পাৰে।
তেওঁ কয়, যুদ্ধ আৰু ক্ৰিকেট একেলগে যাব নোৱাৰে। দেশপ্ৰেম-ৰাষ্ট্ৰীয়তাবাদৰ সৈতেও ব্যৱসায় কৰি আছে। দেশপ্ৰেমৰ এই ব্যৱসায় কেৱল উপাৰ্জন আৰু লাভৰ বাবে। কাইলৈ মেচখন খেলিব কাৰণ ইয়াৰ পৰা বহু টকা উপাৰ্জন কৰিব পৰা যায়। গতিকে কাইলৈ মহাৰাষ্ট্ৰৰ ৰাজপথলৈ ওলাই আহিব উদ্ধৱ সমৰ্থক শিৱসেনাৰ মহিলা কৰ্মী আৰু সমৰ্থকসকল। প্ৰধানমন্ত্ৰী মোডীলৈ প্ৰত্যেক ঘৰৰ পৰাই প্ৰধানমন্ত্ৰী মোডীলৈ সেন্দুৰ প্ৰেৰণ কৰিব ৰাজ্যৰ মাতৃ-ভগ্নীয়ে।
বিজেপি নেতৃত্বাধীন কেন্দ্ৰীয় চৰকাৰৰ বিৰুদ্ধে অভিযোগ উত্থাপন কৰি উদ্ধৱে কয় যে তেওঁলোকে ক্ৰিকেট খেলি দেশপ্ৰেমক কৌতুকলৈ ৰূপান্তৰিত কৰিবলৈ চেষ্টা কৰিছে। উদ্ধৱে এই সন্দৰ্ভত নিজৰ পিতৃ শিৱসেনাৰ প্ৰতিষ্ঠাপক বাল থাকৰে আৰু প্ৰাক্তন পাকিস্তানী ক্ৰিকেটাৰ জাভেদ মিয়াদাঁদৰ মাজত মৎশ্ৰীস্থিত নিজৰ ঘৰত হোৱা সাক্ষাৎকাৰৰ উদাহৰণ দাঙি ধৰে। উদ্ধৱে ক’লে, দেউতাই জাভেদ মিয়াদাঁদৰ কৈছিল যে পাকিস্তানে ভাৰতৰ বিৰুদ্ধে সন্ত্ৰাসবাদী কাৰ্যকলাপ বন্ধ নকৰালৈকে কোনো ক্ৰিকেট খেল অনুষ্ঠিত হ’বলৈ নিদিয়ে।
