১২ মে’ৰ নিশা প্ৰচণ্ড বতাহ ধুমুহাৰ ফলত ব্ৰজপাতত ২০ টাকৈ হাতীৰ অকাল মৃত্যু হোৱা বুলি খবৰ প্ৰকাশ পোৱাৰ পাছত এতিয়া বহুতো ৰহস্য জড়িত আছে বুলি সন্দেহ প্ৰকাশ কৰি সোণাপুৰৰ পৰিৱেশমূলক চলচিত্ৰ নিৰ্মাতা তথা খেতিয়ক শান্তনু সেনে বনমন্ত্ৰীলৈ হস্তীৰ ৰহস্যজনক মৃত্যুৰ উচ্চস্তৰীয় নিৰপেক্ষ তদন্ত বিচাৰি এখন চিঠি লিখে।
বনমন্ত্ৰীক সম্বোধন কৰি তেওঁ চিঠিখনত লিখিছে”চিন্তা কৰিবলৈ বাধ্য হৈছোঁ ২০ টা হাতীৰ অকাল মৃত্যু হৈছে । ব্ৰজপাতত মৃত্যু হলে ওচৰৰ গছ বন বোৰত ধৰা পৰিল হেঁতেন, ব্ৰজপাতত পাতবোৰ লেৰেলি গ’লহেঁতেন বা কিছু গছ গছনি পুৰিলহেঁতেন, যিহেতু ২০ টা হাতী থাকিবলৈ বিশাল ঠাইৰ প্ৰয়োজন ।
” Environment clear কৰি দিয়া হৈছে নেকি ,যিহেতু কোম্পানী বহিবলৈ enviromental clearance চাৰ্টিফিকেট লাগে ,তাতে যদি এলিফেণ্ট কৰিডৰ হয় ! বামুনীৰ পাহাৰ খনৰ দাঁতিত বহু মুকলি মাটি আছে য’ত কোম্পানীৰ চকু । কোনোবা দুষ্ট চক্ৰই অন্য ভাগে হত্যা কৰা নাইতো!” সন্দেহ প্ৰকাশ কৰি সেনে চিঠিত এনেদৰে উল্লেখ কৰিছে।
তেওঁ লগতে লিখি কয় “এই কাৰণেই ভাবিছোঁ , Azure কোম্পানীক সৌৰ শক্তি স্থাপনৰ বাবে বামুনীৰ পথাৰ খনত বন বিভাগে/চৰকাৰে হাতীৰ বিচৰণ ভূমি নহয় বুলি NOC দিছিল । Azure কোম্পানীয়ে বনৰীয়া হাতীৰ অহা যোৱাৰ বাট বন্ধ কৰি পাৱাৰ প্ৰজেক্ট তৈয়াৰ কৰি আছে। আজিৰ ঘটনা ইয়াৰ নিলগত, আৰু অন্যান্য মধ্যভোগী শ্ৰেণী, ন ন কোম্পানীয়ে দাঁতি কাষৰীয়া ঠাইবোৰ ইতিমধ্যে দখল কৰিছে বুলি সামাজিক মাধ্যমত জানিব পাৰিছো।”
” মুনাফা লাভৰ বাবে গভীৰ ষড়যন্ত্ৰ নাইতো !! যদিও চৰকাৰৰ প্ৰায় প্ৰতিটো পক্ষই বজ্ৰপাতত কৰুণ মৃত্যু বুলি শোক প্ৰকাশ কৰিছে, কিন্তু ঘটনাটো ৰহস্যজনক।” চিঠিত উল্লেখ কৰি সেনে কয়।
বন বিভাগৰ নিৰপেক্ষ মন্ত্ৰী আৰু মুৰব্বী হিচাপে পৰিমল শুক্লবৈদ্যলৈ আহ্বান জনায় সেনে কয় “আপোনাৰ ওপৰত আমাৰ গভীৰ আস্থা আছে। গতিকে মৃৃত্যূ হোৱা হাতীকেইটাৰ পোষ্টমৰ্টেম ৰিপোৰ্ট ৰাজহুৱা কৰিবলৈ আৰু এক উচ্চস্তৰৰ নিৰপেক্ষ তদন্ত বহুৱাই প্ৰকৃত তথ্য পোহৰাবলৈ আহ্বান জনালোঁ।”
ইয়াৰোপৰি ২০টাকৈ হস্তীৰ এনে অকাল ৰহস্যজনক মৃত্যুৰ তদন্ত সন্দৰ্ভত ক্ষীপ্ৰ ব্যৱস্থা লবলৈ দাবী জনায় সেনে।
