নিশা গুৱাহাটী মহানগৰীত ভয়ংকৰ মাৰপিটৰ ঘটনা সংঘটিত হয়। ডেগাৰেৰে কৰা আক্ৰমণত আহত তিনিজন ব্যক্তি। পত্নীৰ পৰিয়ালৰ লোকক আক্ৰমণ কৰাৰ অভিযোগ আব্দুল হাফিজ নামৰ ব্যক্তিৰ বিৰুদ্ধে উত্থাপন হৈছে।
প্ৰায় ৩০-৪০জন বন্ধুৰে মিলি পত্নীৰ পৰিয়ালক আক্ৰমণ কৰে আব্দুলে। দলবদ্ধ আক্ৰমণৰ ঘটনাত গুৰুতৰভাৱে আহত নছিব আলী। নছিব আলীক সংকটজনক অৱস্থাত হাস্পতালত ভৰ্তি।
দীৰ্ঘদিন ধৰি পত্নীৰ ওপৰত আব্দুলে অত্যাচাৰ চলাই অহাৰ গুৰুতৰ অভিযোগ।
ঘটনা অনুসৰি বৃহস্পতিবাৰে নিশাও পত্নীক মাৰপিট কৰে আব্দুলে। মাৰপিটৰ খবৰ পাই ঘটনাস্থলীত উপস্থিত হৈছিল মহিলাগৰাকীৰ মাতৃগৃহৰ লোক। পত্নীৰ পৰিয়ালৰ লোক উপস্থিত হোৱাত আক্ৰমণ কৰে আব্দুলে।
বন্ধুৰ সৈতে মিলি দলবদ্ধ আক্ৰমণ কৰি পলায়ন কৰে আব্দুলে। সচিবালয়ৰ এগৰাকী বিষয়াৰ গাড়ী চালক আব্দুল হাফিজ। অভিযুক্ত আব্দুল হাফিজৰ ঘৰ হাজোত।
উল্লেখ্যে যে, ৬ বছৰ পূৰ্বে বিবাহপাশত আবদ্ধ হৈছিল দুয়ো। নিশাই ঘটনাস্থলীত আৰক্ষী উপস্থিত হৈ আৰম্ভ কৰিছে তদন্ত।
