আফ্ৰিদিক সহায় কৰিবলৈ আহ্বান জনোৱা হৰভজন সিঙক তীব্ৰ সমালোচনা
ভাৰতীয় অফ স্পিনাৰ হৰভজন সিং আৰু পাকিস্তানৰ প্ৰাক্তন অলৰাউণ্ডাৰ চাহিদ আফ্ৰিদি ক্ৰিকেটৰ পথৰাত ঘোৰ বিৰোধী আছিল। কিন্তু আফ্ৰিদিৰ সেৱা মনোভাৱ দেখি হৰভজন এতিয়া তেওঁৰ অনুৰাগী হৈ পৰিছে।
শেহতীয়াকৈ হৰভজন সিঙে ছ’চিয়েল মিডিয়াত এটা ভিডিঅ’ শ্বেয়াৰ কৰি লোকসকলক চাহিদ আফ্ৰিদিৰ NGO লৈ সহায় আগবঢ়াবলৈ অনুৰোধ জনাইছিল।
আফ্ৰিদিৰ NGO টোৱে ক’ৰ’নাত আক্ৰান্ত লোকসকলক সহায় আগবঢ়াই আছে। হৰভজনে ভিডিঅ’টো শ্বেয়াৰ কৰি কয়, ‘এই সময়ত সমগ্ৰ বিশ্ব কঠিন পৰিস্থিতিৰ মাজত আছে। সেয়া ভাৰতে হওক, আমেৰিকাই হওক বা পাকিস্তানেই হওক’।
The world is passing through extremely testing and unprecedented times.Let’s do our bit to help @SAfridiOfficial @SAFoundationN doing gr8 work plz join hands with them nd contribute what ever u can https://t.co/t9OvfEPp79 for covid19 @wasimakramlive @YUVSTRONG12 @shoaib100mph pic.twitter.com/sB2fxCAQqY
— Harbhajan Turbanator (@harbhajan_singh) March 29, 2020
হৰভজন সিঙে কয় যে এই কঠিন পৰিস্থিতিৰ সময়ত আমি সকলো একত্ৰিত হ’ব লাগে। চাহিদ আফ্ৰিদিয়ে ভাল কাম কৰি আছে। মানৱীয়তাৰ খাতিৰত আমি সহায় কৰিব লাগে আৰু ইয়াৰ অংশীদাৰ হ’ব লাগে।
হৰভজনে নিজৰ প’ষ্টটোত যুৱৰাজ সিং. ৱাছিম আক্ৰাম আৰু চোৱেইব আখতাৰক টেগ কৰিছে।
ভিডিঅ’টো শ্বেয়াৰ কৰাৰ পিছতে ক্ৰিকেটাৰ গৰাকীক তীব্ৰ সমালোচনা কৰিছে তেওঁৰ অনুৰাগী সকলে। বিভিন্ন জনে হৰভজনক বেয়া বেয়াকৈ ট্ৰ’ল দিয়া পৰিলক্ষিত হৈছে।
বহু কেইজন অনুৰাগীয়ে হৰভজনক পাকিস্তানৰ কথা চিন্তা কৰাৰ পৰিৱৰ্তে ভাৰতৰ কথা চিন্তা কৰিবলৈ আহ্বান জনাইছে। আন এজনে কৈছে যে আমাৰ প্ৰধান মন্ত্ৰীয়েও pmcares নামেৰে এক অভিযান চলাইছে, সেইটোৰ প্ৰচাৰ কৰিলে আপোনাৰ মানৱীয়তা শেষ হৈ নাযায়।
O bhai. हमारे पीएम साहब ने भी pmcares के नाम से donate fund खोला है जरा उसका भी प्रचार कर देते तो इंसानियत क्या मर जाती. और हाँ तुमने जिंदगी bhar इसी इंडिया मे रहकर इंडिया से ही कमाया है तो फिर कितना donate किया इंडियन government को.
Aapko hero मानना मेरी अब तक की सबसे बड़ी गलती— Jitendra Vishwakarma ????????? (@Royal_boy_JV) March 29, 2020
@indiantweeter @KapilMishra_IND ये क्या हो रहा है , हमारे #मोदी जी डोनेशन की अपील कर रहे है अपने देश के लिए । और ये हरभजन तो #पाकिस्तान के लिए पैसे मांग रहे है । #shameonbhajji https://t.co/gRvXxOUqPH
— Ashu Sharma (@ItsYourAshu) March 29, 2020
উল্লেখ্য যে, ভয়াবহ ক’ৰ’নাৰ বিৰুদ্ধে যুঁজিবলৈ পাকিস্তানৰ প্ৰাক্তন ক্ৰিকেটাৰ চাহিদ আফ্ৰিদিয়ে টুইটাৰৰ জৰিয়তে এটা অভিযান চলাইছিল। এই অভিযানৰ অংশ হ’বলৈ আফ্ৰিদিয়ে ভাৰতৰ হৰভজন সিং, ইংলেণ্ডৰ ক্ৰিছ জৰ্ডান আৰু পাকিস্তানৰ মোহম্মদ আমিৰক মনোনীত কৰিছিল।