বিশ্বনাথৰ বি জি ৰোডৰ কলেজ ৰোড তিনিআলিত বিধ্বংসী অগ্নিকাণ্ড সংঘটিত হৈছে।
কলেজ ৰোড তিনিআলিত থকা এখন ফাষ্ট ফুড হোটেলৰ পৰা সূত্ৰপাত হয় এই অগ্নিকাণ্ড৷
লগে লগে তিনিখনকৈ অগ্নি নিৰ্বাপক বাহিনীৰ গাড়ী আহি এই জুই নুমাবলৈ চেষ্টা কৰে যদিও ফাষ্ট ফুড হোটেল খন আৰু ইছৰাইল আহমেদ নামৰ লোকজনৰ ঘৰ সম্পূৰ্ণ ভাবে জ্বলি ভস্মীভূত হয় ।
এই অগ্নিকাণ্ডৰ ফলত কেইবা লাখ টকাৰ সামগ্ৰী জ্বলি ছাৰ খাৰ হয় ।
জুই লগাৰ সঠিক কাৰণ এতিয়াও জানিব পৰা হোৱা নাই। ক্ষতিৰ পৰিমাণো এতিয়ালৈকে সঠিক ভাবে নিৰূপণ কৰিব পৰা হোৱা নাই।
