ভোজপুৰী চিনেমাৰ জনপ্ৰিয় অভিনেত্ৰী মনালিছাক এতিয়া ভাৰতত চিনি নোপোৱা মানুহ খুব কমেই আছে।
বিশেষকৈ বিগ বছৰ এগৰাকী প্ৰতিযোগী হোৱাৰ পিছৰ পৰা “মনালিছা” গোটেই ভাৰততে এটা জনপ্ৰিয় নাম হৈ পৰে।
টি ভি ধাৰাবাহিক “নাজাৰ”-ৰ জৰিয়তে তেওঁ প্ৰতিঘৰ মানুহৰে পৰিচিত হৈ পৰে।
অনুৰাগীসকলে জানে, এইগৰাকী অভিনেত্ৰীৰ আছে এটা সুখী বৈবাহিক জীৱন। ছ’চিয়েল মিডিয়াত মনালিছাই প্ৰায়ে শ্বেয়াৰ কৰে তেওঁৰ স্বামী বিক্ৰান্ত সিং ৰাজপুতৰ সৈতে ঘনিষ্ঠ মুহূৰ্তৰ বিভিন্ন ফটো। নিজতকৈ ৪ বছৰে সৰু বিক্ৰমৰ সৈতে ২০১৭ চনত মনালিছাৰ বিয়া হৈছিল।
বহুতে স্বামী-স্ত্ৰী হিচাপে এই যুটিটো খুবেই মিলিছে বুলি ধাৰণা কৰে।
কিন্তু ৰ’ব!
এয়া হয়তো বহুতেই নাজানে যে মনালিছাৰ এয়া প্ৰথম স্বামী নহয়।
মনালিছাই ভোজপুৰী চিনেমা জগতত প্ৰথম ভৰি দিয়াৰ সময়তে এজন লোকৰ সৈতে গোপনে বিয়াত বহিছিল, যিজন আছিল তেওঁৰ দেউতাকৰ বয়সৰ।
বিয়াখন কেৱল ডেৰ বছৰহে টিকে আৰু আনুষ্ঠানিকভাৱে দুয়ো বিচ্ছেদ হয়।
বহু বছৰৰ আগৰ এই ইতিহাস প্ৰায় গোপন আৰু এতিয়া অভিনেত্ৰীগৰাকীয়ে লুকুৱাব খোজে। তেওঁ কেতিয়াও নিজৰ প্ৰথম স্বামীৰ কথা আনিবই নোখোজে।
