উচ্চতম ন্যায়ালয়ৰ কলেজিয়ামে তিনিজন অধিবক্তাক বম্বে উচ্চ ন্যায়ালয়ত ন্যায়াধীশ হিচাপে নিযুক্তি দিছে। ইয়াৰে এজনৰ নিযুক্তি সন্দৰ্ভত মুখ্য ন্যায়াধীশৰ নেতৃত্বত গঠিত কলেজিয়ামৰ সিদ্ধান্তক লৈ এক বৃহৎ বিতৰ্ক আৰম্ভ হৈছে।
ন্যায়াধীশ হিচাপে নিযুক্তি লাভ কৰা বম্বে উচ্চ ন্যায়ালয়ৰ অধিবক্তা আৰতি অৰুণ শথে ইয়াৰ পূৰ্বে মহাৰাষ্ট্ৰ বিজেপিৰ মুখপাত্ৰ আৰু দলৰ আইনী কোষৰ মুৰব্বী আছিল।
ন্যায়াধীশ শ্বাথেৰ পিতৃও একেখন উচ্চ ন্যায়ালয়ৰ অধিবক্তা আৰু তেওঁ বিজেপি আৰু আৰএছএছৰ সৈতেও জড়িত।
মহাৰাষ্ট্ৰৰ বিৰোধী দলসমূহে এনে এজন ব্যক্তিক ন্যায়াধীশ হিচাপে নিযুক্তি দিয়াৰ ঘোৰ বিৰোধিতা কৰিছে।
তেওঁলোকে কয় যে আৰতি অৰুণৰ অৰ্হতাক লৈ তেওঁলোকৰ কোনো প্ৰশ্ন নাই। কিন্তু শাসকীয় দলৰ এজন সক্ৰিয় নেতাক নিযুক্তি দিয়াৰ বাবে ন্যায়পালিকা প্ৰদূষিত হৈছে।
আনহাতে বিজেপিয়ে কয় যে আৰতি অৰুণে ডেৰ বছৰ পূৰ্বে দলটোৰ সৈতে সম্পৰ্ক বিচ্ছিন্ন কৰিছিল। তেওঁ বিজেপিৰ প্ৰাথমিক সদস্যপদও ত্যাগ কৰিছে।