দক্ষিণ আফ্ৰিকাৰ প্ৰাক্তন ৰাষ্ট্ৰপতি জেকব জুমাক দেশখনৰ সৰ্বোচ্চ আদালতে ১৫মাহৰ কাৰাদণ্ডৰে দণ্ডিত কৰিছে।
ৰাষ্ট্ৰপতি থকাৰ সময়ত দুৰ্নীতিৰ এক গোচৰৰ তদন্তত সাংবিধানিক আদালতৰ নিৰ্দেশ অমান্য কৰি হাজিৰ নোহোৱাৰ বাবেই এইদৰে কাৰাদণ্ড বিহা হৈছে প্ৰাক্তন ৰাষ্ট্ৰপতিগৰাকীক।
ৰাষ্ট্ৰপতি থকাৰ সময়ত সাংবিধানিক আদালতৰ নিৰ্দেশ অমান্য কৰি তদন্তৰ শুনানিত হাজিৰ হোৱা নাছিল জেকব জুমা।
প্ৰাক্তন ৰাষ্ট্ৰপতি জুমাক আত্মসমৰ্পনৰ বাবে পাঁচদিনৰ সময়সীমা দিয়া হৈছে। এই সময়ৰ ভিতৰত ধৰা নিদিলে তেওঁক গ্ৰেপ্তাৰৰ নিৰ্দেশ দিয়া হ’ব।
যোৱা মাহত আন এক দুৰ্নীতিৰ গোচৰৰ শুনানিত জেকব জুমাই নিজকে নিৰ্দোষী বুলি দাবী কৰিছিল।
নব্বৈৰ দশকত ৫০০কোটি ডলাৰৰ এক অস্ত্ৰ চুক্তিত দুৰ্নীতিৰ ঘটনাত জৰিত থকাৰ অভিযোগ উঠা জেকব জুমা ২০০৯চনত দক্ষিণ আফ্ৰিকাৰ ৰাষ্ট্ৰপতি পদত অধিষ্ঠিত হয়।
জেকব জুমাই ২০১৮চনৰ ফেব্ৰুৱাৰীলৈকে দেশখনৰ ৰাষ্ট্ৰপতি হিচাপে কাৰ্যনিৰ্বাহ কৰিছিল।
