বিশ্বনাথ জিলাৰ গহপুৰৰ পৰা গহপুৰ আৰক্ষীয়ে শনিবাৰে অৰ্থাৎ ১৬ ফেব্ৰুৱাৰিৰ নিশা চাৰিজনকৈ চোৰাংচিকাৰীক আটক কৰিবলৈ সক্ষম হয়। লগতে চোৰাংচিকাৰী কেইজনৰ পৰা এটা গঁড়ৰ খড়গ আৰু বহু আপত্তিজনক সামগ্ৰী উদ্ধাৰ কৰে।
এক গোপন সূত্ৰৰ ভিত্তিত গহপুৰ আৰক্ষী আৰু বি এছ এফে এক যুটীয়া অভিযান চলাই চোৰাংচিকাৰী চাৰিজনক আটক কৰিবলৈ সক্ষম হয়। আটকাধীন চোৰাংচিকাৰী চাৰিজনক ক্ৰমে মিজোৰামৰ ভি চাইনমেল, অৰুণাচল প্ৰদেশৰ জিৰেবহুৰ মংবাইফাই, গহপুৰৰ ৰমেশ পেগু আৰু লোহিতমুখৰ ৰাকেশ পেগু বুলি চিনাক্ত কৰা হৈছে।
বাতৰি লিখা পৰালৈকে আৰক্ষীৰ সূত্ৰৰ পৰা জানিব পৰা মতে আটকাধীন আটাইকেইজন চোৰাংচিকাৰীক অধিক তথ্যৰ বাবে জেৰা চলোৱাৰ উদ্দেশ্যে গহপুৰ আৰক্ষী চকীত ৰখা হৈছে।
