উৎসৱৰ সময়ত যদি বাইক বা স্কুটী কিনাৰ কথা ভাৱিছে তেনেহ’লে আপোনাৰ বাবে আছে এটা ভাল খৱৰ।
প্ৰকৃততে, ফেডাৰেল বেংকে এনে এক সুবিধা আৰম্ভ কৰিছে য’ত গ্ৰাহকে মাত্ৰ ১টকা আদায় দিয়েই দুচকীয়া বাহন কিনিব পাৰে।
আহক, এই স্কীমটো সম্পৰ্কে অলপ ভালকৈ জানি লওঁ।
ফেডাৰেল বেংকে ইয়াৰ গ্ৰাহকক ডেবিট কাৰ্ড EMIৰ ওপৰত বাইক বা স্কুটী ক্ৰয় কৰাৰ সুবিধা আগবঢ়াইছে। অৰ্থাৎ ফেডাৰেল বেংকৰ কাৰ্ড থকা গ্ৰাহকসকল ইয়াৰ বাবে যোগ্য হ’ব।
মনত ৰাখিব, গ্ৰাহকে হিৰো মট’ৰ্কপ, হোণ্ডা মটৰচাইকেল আৰু TVSমটৰৰ দেশজুৰি থকা ৯৪৭টা শ্ব’ৰুমৰ যিকোনো এটাৰ পৰা ১টকা আদায় দি দুচকীয়া বাহন কিনিব পাৰিব।
বেংকটোৱে জানিবলৈ দিয়া মতে ইয়াত পেপাৰ ৱৰ্কৰ কাম নাই আৰু বেংকলৈ যোৱাৰ প্ৰয়োজনীয়তাও নাই। এইটো সম্পূৰ্ণ অনলাইন প্ৰক্ৰিয়া আৰু ইয়াত কোনো আবেদন মাছুলো নাই।
ডেবিট কাৰ্ড EMI জমাৰ বাবে বেংকৰ গ্ৰাহকে ৩, ৬, ৯, ১২ মাহৰ সময়ৰ বিকল্প নিৰ্বাচন কৰিব পাৰে।
ফেডাৰেল বেংকৰ গ্ৰাহকসকলে এই সুবিধাৰ বাবে যোগ্য হয়নে নহয় তাৰ বিষয়ে জানিবলৈ ‘’DC-space-EMI’’ লিখি ‘5676762’নম্বৰত SMSপ্ৰেৰণ কৰিব লাগিব। গ্ৰাহকে বিচাৰিলে ‘7812900900’নম্বৰ মিছকলো দিব পাৰে।
গ্ৰাহকসকলে হোণ্ডাৰ মটৰচাইকেল বা স্কুটী ক্ৰয় কৰিলে ফেষ্টিভ অ’ফাৰ হিচাপে ৫সতাংশ কেচবেক লাভ কৰাৰ সুবিধাও দিয়া হৈছে।
ইয়াৰ বাবে ন্যুনতম ক্ৰয় এমাউন্ট ৩০,০০০টকা হ’ব লাগিব। এখন কাৰ্ডৰ ওপৰত সৰ্বাধিক কেচবেক এমাউন্ট ৫,০০০টকা পাব।
