গিৰিজানন্দ চৌধুৰী ইনষ্টিটিউট অব মেনেজমেণ্ট এণ্ড টেকন’ল’জি চমুকৈ GIMT, গুৱাহাটীৰ উদ্যোগত অহা ১ আগষ্ট, ২০২১ত এখন ৱেবনাৰৰ আয়োজন কৰা হৈছে।
GIMT, গুৱাহাটীৰ ইলেক্ট্ৰিকেল ইঞ্জিয়ানীয়াৰিং বিভাগৰ উদ্যোগত আয়োজিত এই ৱেবনাৰ খন মূলতঃ পলিটেকনিকৰ শিক্ষাৰ্থীসকলৰ বাবে আয়োজন কৰা হৈছে বুলি উদ্যোক্তাসকলে জানিবলৈ দিছে।
ৱেবনাৰত সংশ্লিষ্ট বিভাগৰ বিশেষজ্ঞ ব্যক্তিসকলে শিক্ষাৰ্থীসকলৰ সৈতে মত বিনিময় কৰিব আৰু ডিপ্ল’মা গ্ৰহণৰ পিছত কেনেধৰণৰ পেছাত শিক্ষাৰ্থীসকলে নিজকে নিয়োজিত কৰিব পাৰিব সেই বিষয়ে দিহা-পৰামৰ্শ আগবঢ়াব।
ৱেবনাৰ খনে শিক্ষাৰ্থীসকলক তেওঁলোকৰ কেৰিয়াৰ নিৰ্বাচনত বিশেষ ভাবে সহায় কৰিব বুলি আশা কৰা হৈছে। আগ্ৰহী শিক্ষাৰ্থীসকলে এই লিংকত নিজৰ নাম পঞ্জীয়ন কৰি ৱেবনাৰত অংশগ্ৰহণ কৰিব পাৰিব। লিংকটো হৈছে—
https://docs.google.com/forms/d/e/1FAIpQLSfn6pYP17Dz4SPDEp-tyRUAvc2opE5zw1cYQvJDKS4we3BZEg/viewform
কৰ্মসংস্থাপন লাভৰ বাবে ডিপ্ল’মা গ্ৰহণৰ পিছত কিয় বি-টেকৰ দৰে উচ্চ শিক্ষাগ্ৰহণ কৰাটো প্ৰয়োজনীয়, বি-টেক ডিগ্ৰী গ্ৰহণৰ পিছত শিক্ষাৰ্থীসকলে কৰ্মসংস্থাপনৰ ক্ষেত্ৰত আন কেনেদৰে উপকৃত হ’ব, ডিপ্ল’মা গ্ৰহণৰ পিছত প্ৰধান প্ৰধান ক্ষেত্ৰ সমূহৰ উপৰি আনুসংগিক ক্ষেত্ৰ সমূহত কামৰ কেনে সুবিধা, বি-টেক কৰাৰ পিছত কেনেদৰে সেই সুবিধা সমূহ আৰু অধিক বৃদ্ধি পায়, গৱেষণাৰ সুবিধা আদি বিষয় সমূহ ৱেবনাৰত খৰচি মাৰি আলোচনা কৰা হ’ব।
১ আগষ্টৰ পুৱা ১০ বজাৰ পৰা বিয়লি ১ বজালৈ অনুষ্ঠিত হ’বলগীয়া উক্ত ৱেবনাৰৰ বিষয়ে অধিক জানিবলৈ আগ্ৰহীসকলে ৭০০২৪-৭৪৫২৬,৯৮৬৪৫-০৪৪৩১ বা ৭০০২২-৯২০৮৪ নম্বৰত যোগাযোগ কৰিব পাৰিব।
