আই টি আইন ২০২১ : অনলাইন নিউজ পাব্লিচাৰ্ছসমূহলৈ কেন্দ্ৰৰ নতুন নিৰ্দেশনা

কেন্দ্ৰীয় তথ্য আৰু সম্প্ৰচাৰ মন্ত্ৰালয়ে অনলাইন নিউজ পাব্লিচাৰ্ছ আৰু অটিটি প্লেটফৰ্মসমূহলৈ এক বিশেষ নিৰ্দেশনা জাৰি কৰিছে।

নিৰ্দেশনামতে, ফেব্ৰুৱাৰী মাহত বলৱৎ কৰা ‘দা ইনফৰমেচন টেকনলজী ৰুলছ ২০২১’ৰ প্ৰতি সন্মতি জনোৱাৰ হেতুকে যাৱতীয় তথ্যসমূহ ১৫ দিনৰ ভিতৰত মন্ত্ৰালয়ক জনাবলৈ কোৱা হৈছে।

এই নতুন আইনমতে, সামাজিক মাধ্যম প্লেটফৰ্ম আৰু অটিটি ষ্ট্ৰীমিং চাৰ্ভিছসমূহক প্ৰথমবাৰৰ বাবে চৰকাৰে নিয়ন্ত্ৰণলৈ আনিব।

ভাৰতৰ সাৰ্বভৌমত্ব আৰু অখণ্ডতা ৰক্ষা আৰু ৰাষ্ট্ৰীয় সুৰক্ষাৰ প্ৰতি ভাবুকি কঢ়িওৱা উপাদানসমূহৰ প্ৰতি লক্ষ্য ৰাখিয়ে কেন্দ্ৰই এই আদেশ জাৰি কৰা হৈছে বুলি কোৱা হৈছে।