নতুন বছৰৰ প্ৰথম দিনটোতে মটৰ উদ্যোগৰ পৰা ভাল খবৰ আহিছে। মাৰুতি ছুজুকীয়ে ডিচেম্বৰ মাহত নিজৰ গাড়ীৰ বিক্ৰী ২.৫ শতাংশ বৃদ্ধি কৰিবলৈ সক্ষম হৈছে।
মাৰুতিয়ে ডিচেম্বৰ মাহত মুঠ ১,২২,৭৮৪ খন বাহন বিক্ৰী কৰিছে।
২০১৮ চনৰ ডিচেম্বৰ মাহত প্ৰতিষ্ঠানটোৱে ১,১৯,৮০৪ খন বাহন বিক্ৰী কৰিছিল।
বিগত এটা বছৰত গাড়ী বিক্ৰী যি ধৰণে হ্ৰাস পাই আহিছিল তালৈ লক্ষ্য কৰিল এই পৰিসংখ্যাই নিশ্চয় সকাহ প্ৰদান কৰিছে মাৰুতিক।
উল্লেখযোগ্য যে, ২০১৯ বৰ্ষটো ভাৰতীয় বাহন উদ্যোগ সমূহৰ বাবে ভাল নাছিল। বৰ্ষটোৰ বেছিভাগ সময়ত গাড়ীৰ বিক্ৰীৰ পৰিমাণ কমি অহাৰ বিপৰীতে অক্টোৱৰ মাহত মাৰুতিৰ গাড়ী বিক্ৰীৰ হাৰ বাঢ়িলেও পুনৰ নৱেম্বৰ মাহত ৩.৩ শতাংশ কমে।
২০১৯ বৰ্ষৰ জানুৱাৰি আৰু ফ্ৰেব্ৰুৱাৰি মাহক বাদ দি সাত মাহৰ বাবে ক্ৰমাগত ভাবে মাৰুতিৰ গাড়ীৰ বিক্ৰী হ্ৰাস পায়।
২০১৯ বৰ্ষত মাৰুতিয়ে মুঠ ১৪,৮৭,৭৩৯ খন গাড়ী বিক্ৰী কৰিবলৈ সক্ষম হয়।
ডিচেম্বৰ মাহত মাৰুতিৰ এল্টো, পুৰণা ৱেগন আৰৰ বিক্ৰী কমিলেও নতুন ৱেগন আৰ, ছেলেৰিয়ো, চুইফ্ট আদি গাড়ীৰ বিক্ৰীৰ হাৰ বাঢ়ে।
