বিটিআৰৰ দুই সমষ্টিৰ উপ-নিৰ্বাচনৰ বাবে সাজু নৱ শৰণীয়া নেতৃত্বাধীন গণ সুৰক্ষা পাৰ্টি |
এই কথা প্ৰকাশ কৰিছে গণ সুৰক্ষা পাৰ্টিৰ সভাপতি তথা সাংসদ নৱ কুমাৰ শৰণীয়াই |
কোকৰাঝাৰ চহৰস্থিত কৃষি বিভাগৰ আৱৰ্ত ভৱনত দলৰ কাৰ্যনিৰ্বাহ সভাত অংশগ্ৰহণ কৰি নৱ কুমাৰ চৰণীয়াই কয় যে বিটিআৰৰ দুই সমষ্টি গোসাঁইগাঁও আৰু তামুলপুৰ বিধানসভা সমষ্টিত হবলগীয়া উপ- নিৰ্বাচনৰ বাবে নিজাকৈ প্ৰাৰ্থিত্ব প্ৰদান কৰিব |
শেহতীয়াকৈ বিটিআৰত নৱ গঠিত NLFB নামৰ সশস্ত্ৰ সংগঠন জন্মৰ বিষয়তো উদ্বিগ্নতা ব্যক্ত কৰে সাংসদ নৱ শৰণীয়াই |
ওদালগুৰি আৰু বাক্সা জিলাত বৃহৎ সদস্য নিযুক্তি প্ৰক্ৰিয়া আৰম্ভ হৈছে NLFB দলত।
বৰ্তমান প্ৰায় ৫০০ ৰো অধিক বড়ো যুৱকে গুচি গৈছে জঙ্গললৈ, ইয়াৰ বাবে চৰকাৰক দোষাৰোপ কৰি শৰণীয়াই কয় যে বিটিআৰ চুক্তি আৰু NDFB ৰ পুনৰ সংস্থাপন প্ৰক্ৰিয়া লেহেমীয়া হোৱা বাবে এনে হৈছে, যদি চৰকাৰ তৎপৰ নহয়, বিটিআৰৰ পৰিস্থিতি পুনৰ বেয়াৰ দিশে গতি কৰিব বুলি তেওঁ মন্তব্য কৰে।
