অসমৰ মানুহে নাগৰিকত্ব সংশোধনী বিধেয়কখনৰ বিৰুদ্ধে জান-প্ৰাণ দি আন্দোলন কৰি থকাৰ সময়তে বিধেয়কখনৰ বাবে প্ৰধান মন্ত্ৰী মোদীক ধন্যবাদ জনালে অসম চৰকাৰৰ বিত্ত মন্ত্ৰী হিমন্ত বিশ্ব শৰ্মাই।
নাগৰিকত্ব বিধেয়কখনৰ লগতে ছয় জনগোষ্ঠীলৈ জনজাতিৰ মৰ্য্যাদা প্ৰদানৰ সিদ্ধান্ত, অসম চুক্তিৰ ৬ নং দফাৰ ৰূপায়ণৰ বাবে কমিটী গঠন –এই তিনিটাক মোদীৰ ঐতিহাসিক উপহাৰ আখ্যা দিয়ে মন্ত্ৰীজনে। বিশেষকৈ বিধেয়কখনৰ বাবে তেওঁ গৰ্বিত বুলি কয়।
3 Historic Cheers! C'ship Amndmt Bill will save 17 Asmbly const from Jinnah's ideology. Constnal status to Clause 6 of #AssamAccord will protect us from demographic invasion. Tribal status to 6 communities will make Assam forte of indigenous people. Indebted to PM @narendramodi
— Himanta Biswa Sarma (@himantabiswa) January 8, 2019
আজিৰ এটা টুইটত তেওঁ নিজৰ এই ভাবখিনি প্ৰকাশ কৰে। অৱশ্যে তেওঁ নিজৰ টুইটটোৰ তীব্ৰ প্ৰতিক্ৰিয়াৰ মুখামুখি হয়। এজন য়ুজাৰে তেওঁক প্ৰশ্ন কৰে, “আপুনি কি বিচাৰে? ভাষা নে ধৰ্ম?”
প্ৰত্যুত্তৰত তেওঁ ধৰ্মক অগ্ৰাধিকাৰ দিয়া বুলি জানিবলৈ দিয়ে মন্ত্ৰীজনে। আন এজন য়ুজাৰে কয়, “অসমতকৈ মোদী ডাঙৰ নহয়।”
আনহাতে ভালে সংখ্যক য়ুজাৰক মন্ত্ৰী শৰ্মাক সমৰ্থনো দিয়া দেখা গৈছে। বাপ্পী কুমাৰ চাহা নামৰ এজন য়ুজাৰে কয়, “য়ু আৰ দি হিৰ’ অব আছাম…”
