প্ৰবীন চলচ্চিত্ৰ নিৰ্মাতা হেমচন্দ্ৰ বৰাৰ নৱনিৰ্মিত ছুটি অসমীয়া ছবি ‘দিবাস্বপ্ন’ ভেনিজুৱালাত ২ মাৰ্চৰ পৰা আৰম্ভ হোৱা ফাইভ কন্টিনেটচ ইন্টাৰনেশ্যনেল ফিল্ম ফেষ্টিভেলৰ বাবে নিৰ্বাচিত হৈছে ৷
আজি ভেনিজুৱালাৰ এনজোটেইগুইত প্ৰদৰ্শন হ’ব লগীয়া ছবিখনে মহোৎসৱটোৰ আন্তঃৰাষ্ট্ৰীয় প্ৰতিযোগিতা শিতানটো অংশগ্ৰহন কৰিব। উল্লখযোগ্য যে সংকল্প নামৰ ছবিখনৰ পিছত দীৰ্ঘ দিনৰ বিৰতিৰ অন্তত জলী চিনে এন্টাৰপ্ৰাইজৰ বেনাৰত হেম চন্দ্ৰ বৰাই নিৰ্মান কৰা ছুটি ছবি দিবাস্বপ্ন বোকাখাতৰ ধনশিৰিমুখৰ পটভুমিত এটি শিশু চৰিত্ৰৰ মনস্তত্বকলৈ নিৰ্মান হৈছে ৷
ছবিখনৰ চিত্ৰনাট্য, প্ৰযোজনা আৰু পৰিচালনা হেমচন্দ্ৰ বৰাৰ। ছবিখনত বোকাখাত আৰু কাজিৰঙাৰ একাংশ অপেচাদাৰী শিল্পীয়ে মননশীল অভিনয় কৰিছে। দিবাস্বপ্নৰ কেমেৰা নৱ কুমাৰ দাস আৰু সংগীত ভগৱত প্ৰিতমৰ। ৷ ছবিখন মুল শিশু চৰিত্ৰত মাষ্টাৰ গ্ৰান্তিকে।
ভেনিজুৱালাৰ ইন্টাৰনেচনেল ফিল্ম ফেষ্টিভেলৰ বাবে দিবাস্বপ্ন নিৰ্বাচিত হোৱাত ছবিখনৰ সমূহ কলা-কুশলী উৎফুল্লিত হৈ পৰিছে। উল্লেখযোগ্য যে যোৱা ১৭ ফেব্ৰুৱাৰিত বোকাখাতৰ নাট্যমন্দিৰত ছবিখনৰ এক বিশেষ দৰ্শনী অনুষ্ঠিত হৈছিল।
