কোভিড-১৯ আক্ৰান্ত হৈ শুকুৰবাৰে নিশা জীৱনৰ সৈতে যুঁজত হাৰ মানি পৰলোকপ্ৰাপ্তি ঘটা কিংবদন্তি দৌৰবিদ ‘উৰন্ত শিখ’ মিলখা সিঙৰ মৃত্যুত গভীৰ শোক প্ৰকাশ কৰিছে ‘ধিং এক্সপ্ৰেছ’ হিমা দাসে।
হিমাই এটা টুইট কৰি কয়,’’ উৰন্ত শিখ কিংবদন্তি মিলখা সিং চাৰ আৰু নাই বুলি শুনি অন্তৰ ভাগি পৰিছে। দেশখনে আপোনাক চাৰ সদায় মনত ৰাখিব আৰু আপোনাৰ জীৱনৰ পৰা চিৰদিন অনুপ্ৰেৰণা ল’ব।‘’
Heartbreaking to hear that flying Sikh legend Milkha Singh sir is no more. The nation will always remember you sir and seek an inspiration from your life forever. RIP #MilkhaSingh sir pic.twitter.com/wnASq5QUUf
— Hima Das (@HimaDas8) June 18, 2021
হিমাই লগতে মিলখা সিঙৰ সৈতে তেওঁৰ স্মৃতিৰ কথাও স্মৰণ কৰিছে।
আন এটা টুইটত হিমাই লিখিছে,’’বিশ অনুৰ্ধৰ বিশ্ব চেম্পিয়নশ্বিপ জয় কৰাৰ পাছত তথা এছিয়ান গেমছত পদক পোৱাৰ পাছত মিলখা সিং চাৰৰ পৰা অহা এটা কলৰ কথা মই এতিয়াও মন পেলাও যে ‘’হিমা মাথোঁ কঠোৰ অনুশীলন চলাই যোৱা, তোমাৰ বহুত সময় আছে আৰু তুমি বিশ্ব পৰ্যায়ত আমাৰ দেশৰ বাবে এটা স্বৰ্ণ জয় কৰিব পাৰা।‘’
“After winning World Championship U20 title and medal in Asian Games, I still remember a call from #MilkhaSingh sir that “Hima just keep on working hard, you have ample time and you can win a Gold medal for our country at a global level”
“I will try to fulfill your dream sir”— Hima Das (@HimaDas8) June 19, 2021
এইদৰে কিংবদন্তি দৌৰবিদগৰাকীক সোঁৱৰণ কৰি হিমাই লগতে লিখিছে, ‘’মই আপোনাৰ সপোন পূৰণ কৰিবলৈ চেষ্টা কৰিম চাৰ।‘’
