২০১৭ চনত অনুষ্ঠিত হৈ যোৱা ১৭ অনূৰ্ধ্ব ফিফা বিশ্বকাপত অংশ লৈ ইতিহাস ৰচিবলৈ সক্ষম হোৱা ঐতিহাসিক ভাৰতীয় দলৰ গুৰুত্বপূৰ্ণ খেলুৱৈ আনোৱাৰ আলীৰ জীৱন আজি সংকটত।
বিশ্ব ফুটবলত ভাৰতক আগশাৰীৰ দল হিচাপে প্ৰতিষ্ঠা কৰাৰ সপোন দেখা ২০ বছৰীয়া আনোৱাৰ জীৱন-মৰণৰ সৈতে যুঁজি আছে চিকিৎসালয়ত।
ইণ্ডিয়ান এক্সপ্ৰেছৰ মতে হৃদৰোগৰ বেমাৰত আক্ৰান্ত হোৱাৰ কথা আলীয়ে যোৱা বছৰহে জানিব পাৰে।
পৰিয়ালৰ বাবে একমাত্ৰ উপাৰ্জনকাৰী আলীৰ ভৱিষ্যত সম্পৰ্কে অহা ১০ দিনৰ ভিতৰত এ আই এফ এফে এটা ডাঙৰ সিদ্ধান্ত লোৱাৰ সম্ভাৱনা আছে।
ইফালে চিকিৎসকৰ মতে, ফুটবল খেলাটো আলীৰ স্বাস্থ্যৰ বাবে ঠিক নহ’ব আৰু যদি খেলা অব্যাহত ৰাখে তেন্তে তেওঁৰ জীৱন সংকটত পৰিব।
উল্লেখ্য যে যোৱা বছৰ ভাৰতীয় দলৰ মুখ্য প্ৰশিক্ষক ইগ’ৰ ষ্টিমাকে ৰাষ্ট্ৰীয় শিবিৰলৈ আমন্ত্ৰণ জনাইছিল আনোৱাৰ আলীক।
ক্ৰীড়া বিশেষজ্ঞসকলে আনোৱাৰ আলীৰ জৰিয়তে ভাৰতে এজন দক্ষ চেণ্ট্ৰেল ডিফেণ্ডাৰ লাভ কৰিব বুলি মন্তব্য কৰিছিল।
হৃদৰোগত আক্ৰান্ত হৈ চিকিৎসাধীন হৈ থকা আনোৱাৰ অতি শীঘ্ৰে সুস্থ হৈ উঠি খেলপথাৰলৈ উভতি অহাৰ বাবে পৰিয়ালৰ লগতে বন্ধু-বান্ধৱীয়ে ভগৱানৰ ওচৰত প্ৰাৰ্থনা জনাইছে।
