কিমান সুৰক্ষিত হেণ্ড চেনিটাইজাৰ? ক’ৰ’ণা কালত গলৰ মণিৰ দৰে হৈ পৰা চেনিটাইজাৰে আনিব পাৰে নেকি আপোনাৰ জীৱনলৈ বিপদ?
যদি আনে! কেনেকৈ আনিব পাৰে সেই বিপদ?
চিজিএছআই-এ জনাইছে যে হেণ্ড চেনিটাইজাৰে আপোনালৈ কঢ়িয়াই আনিব পাৰে মাৰাত্মক বিপদ।
চিজিএছআই-ৰ এক সমীক্ষাত ধৰা পৰিছে যে বেছিভাগ চেনিটাইজাৰতে মিহলোৱা থাকে বিষাক্ত মিথানল।
চেনিটাইজাৰত মিথানল মিহলোৱা থাকিলেও নিৰ্মাণকাৰী প্ৰতিষ্ঠানবোৰে বটলৰ লেবেলত মিথানল মিহলোৱাৰ কথা নিলিখে। এই অভিযোগ কৰিছে চিজিএছআই-এ।
ফলত ইয়ে শৰীৰক ক্ষতি কৰাৰ উপৰিও চকুৰ দৃষ্টিও লোপ কৰি পাৰে মানুহৰ।
আনহাতে কিছুমান চেনিটাইজাৰতত ক্ষতিকৰ এলক’হল মিহলোৱা হয়। ইয়ো মানুহৰ শৰীৰক ক্ষতি কৰিব পাৰে।
সমীক্ষাত ধৰা পৰিছে যে কিছুমান চেনিটাইজাৰতহে ইথানল ব্যৱহাৰ কৰা হয়। ইথানলতকৈ মিথানলৰ বজাৰ মূল্য কম হোৱাৰ বাবে চেনিটাইজাৰ প্ৰস্তুতকাৰী প্ৰতিষ্ঠানবোৰে মিথানল ব্যৱহাৰ কৰে বুলি জনাইছে চিজিএছআই-এ।
৩১ আগষ্টত প্ৰকাশ কৰা চিজিএছআই-ৰ সমীক্ষাত এই ভয়ানক তথ্য পোহৰলৈ আহিছে।
উল্লেখ্যে যে মিথানল মিহলোৱা চেনিটাইজাৰ ব্যৱহাৰৰ ফলত মানুহৰ মূৰৰ বিষ, বমি, অন্ধত্ব, অজ্ঞান হৈ যোৱাৰ লগতে ক’মালৈ যোৱাৰ দৰে পৰিস্থিতিয়ো উদ্ভৱ হ’ব পাৰে!
