বিভিন্ন কাৰণত আমাৰ দাঁতত দাগ পৰে। বিশেষকৈ খাদ্য খোৱাৰ পিছত ভালদৰে দাঁত ব্ৰাছ নকৰা, গুটখা খোৱা, ধূমপান কৰা আদি কাৰণত দাঁতত লেতেৰা দাগ পৰিবলৈ আৰম্ভ কৰে। সেয়েহে আজি আপোনালোকৰ বাবে লৈ আহিছোঁ দাঁত পৰিষ্কাৰ কৰা কেইটামান ঘৰুৱা উপায় –
১. বেকিং চ’ডা : এচামুচ বেকিং চ’ডাৰ সৈতে কেইটোপালমান পানী মিহলাই পেষ্ট তৈয়াৰ কৰক। টুথব্ৰাছৰ সহায়ত এই পেষ্টৰে দাঁত মাজক, বিশেষকৈ দাগ থকা ঠাইত। সপ্তাহত ২-৩ বাৰ ব্যৱহাৰ কৰক। অত্যধিক ব্যৱহাৰে দাঁতৰ এনামেলৰ ক্ষতি কৰিব পাৰে।
২. হাইড্ৰজেন পাৰক্সাইড : ৩% হাইড্ৰজেন পাৰক্সাইডৰ সৈতে সমান পৰিমাণৰ পানী মিহলাই মাউথৱাছৰ দৰে ব্যৱহাৰ কৰক। ৩০ ছেকেণ্ড কুলকুলি কৰি পেলাই দিয়ক। সপ্তাহত ২ বাৰ এই পদ্ধতি ব্যৱহাৰ কৰক।
৩. এপল চাইডাৰ ভিনেগাৰ : এচামুচ এপল চাইডাৰ ভিনেগাৰ পানীৰ সৈতে মিহলাই মাউথৱাছ হিচাপে ব্যৱহাৰ কৰক। এই পদ্ধতি অতি কম পৰিমাণে আৰু মাজে মাজে ব্যৱহাৰ কৰক, কাৰণ ইয়াৰ এচিডিটিয়ে দাঁতৰ এনামেলৰ ক্ষতি কৰিব পাৰে।
৪. ষ্ট্ৰবেৰী : ষ্ট্ৰবেৰীত থকা মেলিক এচিডে দাগ আঁতৰোৱাত সহায় কৰে। এটা ষ্ট্ৰবেৰী পিহি দাঁতত ঘঁহি ২-৩ মিনিটৰ পিছত ধুই পেলাওক। সপ্তাহত এবাৰকৈ ব্যৱহাৰ কৰক।
৫. নিয়মীয়া ব্ৰাছিং আৰু ফ্লছিং : দিনে দুবাৰ ফ্ল’ৰাইডযুক্ত টুথপেষ্টেৰে ব্ৰাছ কৰক। দাঁতৰ মাজৰ দাগ আঁতৰাবলৈ নিয়মিত ফ্লছ ব্যৱহাৰ কৰক।৬. চিকিৎসকৰ পৰামৰ্শ : দাঁতৰ যিকোনো সমস্যাৰ বাবে আটাইতকৈ গুৰুত্বপূৰ্ণ উপায় হৈছে – চিকিৎসকৰ কাষ চাপক আৰু পৰামৰ্শ লওক।
