প্ৰকৃতিৰ ৰোষত মিচিচিপি: ধুমুহা-বজ্ৰপাতে প্ৰাণ ল’লে ২৩ গৰাকীৰ, আহত কেইবাগৰাকীও
আমেৰিকান চহৰ মিচিচিপিত চলিছে প্ৰকৃতিৰ তাণ্ডৱলীলা। প্ৰবল ধুমুহা আৰু প্ৰচণ্ড বজ্ৰপাতৰ ফলত চহৰখনত প্ৰাণ হেৰুৱাইছে প্ৰায় ২৩ গৰাকী লোকে। তদুপৰি এই প্ৰাকৃতিক প্ৰলয়ত কেইবাগৰাকীও লোক আহত হোৱাৰ লগতে চাৰিগৰাকী লোক সন্ধানহীন হৈ থকা বুলি চহৰখনৰ জৰুৰীকালীন ব্যৱস্থাপনা সংস্থাই সদৰী কৰিছে।
মিচিচিপিৰ জৰুৰীকালীন ব্যৱস্থাপনা সংস্থাই টুইটযোগে জানিবলৈ দিয়া মতে, পশ্চিম মিচিচিপিৰ চহৰ ছিলভাৰ চিটিত ধুমুহাই তাণ্ডৱৰ সৃষ্টি কৰাৰ পিছতে অনুসন্ধানকাৰী তথা উদ্ধাৰকাৰী দলে তাৎক্ষণিকভাৱে উদ্ধাৰ অভিযান চলায়। অৱশ্যে চহৰখনৰ চাৰিগৰাকী লোক নিৰুদ্দেশ হৈ আছে বুলি তেওঁলোকে নিশ্চিত কৰে।
F5 tornado strikes Rolling Fork, Mississippi, seven dead reported, but toll likely to rise pic.twitter.com/N6GUl2NcVz
— Malinda 🇺🇸🇺🇦🇵🇱🇨🇦🇮🇹🇦🇺🇬🇧🇬🇪🇩🇪🇸🇪 (@TreasChest) March 25, 2023
বিভাগীয় কৰ্তৃপক্ষই লগতে মৃতকৰ সংখ্যা দুৰ্ভাগ্যজনকভাৱে বৃদ্ধি পাব পাৰে বুলি শংকা প্ৰকাশ কৰে। ইফালে আন্ত:ৰাষ্ট্ৰীয় সংবাদ সংস্থা, চি.এন.এন.- ৰ বাতৰি অনুসৰি ৰলিং ফৰ্ক চহৰো ধুমুহাৰ প্ৰকোপত পৰাৰ পিছত অনুসন্ধান আৰু উদ্ধাৰকাৰী দলে অভিযান চলায়।
মিচিচিপিৰ গৱৰ্ণৰ টেট ৰিভে এক টুইট যোগে এই দুৰ্যোগৰ সময়ত চিকিৎসা সাহায্য সক্ৰিয় কৰি তোলাৰ লগতে আক্ৰান্তসকলৰ সুবিধাৰ বাবে অধিক এম্বুলেন্স আৰু অন্যান্য জৰুৰীকালীন সম্পত্তিৰ আহ্বান জনোৱা হৈছে বুলি উল্লেখ কৰে। তেওঁ লগতে উদ্ধাৰ অভিযান অব্যাহত থকা বুলিও সদৰী কৰে।
These photos show the devastation after a tornado barreled through Rolling Fork, Mississippi. The storm cut an extremely wide path right through the center of the town. (Photo Credit: Mike Evans WLBT) pic.twitter.com/pxuqOOwjft
— WLBT 3 On Your Side (@WLBT) March 25, 2023
ইফালে আমেৰিকান ৰাষ্ট্ৰপতি জ’ বাইডেনে মিচিচিপিৰ এই দুৰ্যোগৰ বাবে শোক প্ৰকাশ কৰে আৰু যথাসাধ্য সকলো সহায় আগবঢ়োৱাৰ নিশ্চিতি দিয়ে।তেওঁ লগতে ধুমুহাত বিপৰ্যস্ত স্থানীয় লোকসকলক জৰুৰীকালীন সাহায্য প্ৰদানৰ প্ৰতিশ্ৰুতি দিয়ে।