অসম কৃষি বিপণন পৰিষদৰ দায়িত্বহীনতা; কৃষ্ণাইৰ পণ্যাগাৰতে পচিল শ শ কুইণ্টল ধান

অসম কৃষি বিপণন পৰিষদৰ চূড়ান্ত দায়িত্বহীনতাৰ বাবে কৃষকৰ পৰা ক্ৰয় কৰা শ শ কুইণ্টল ধান কৃষ্ণাইৰ পণ্যাগাৰতে পচিছে ৷

উল্লেখ্য যে গোৱালপাৰা জিলাৰ কৃষ্ণাই সাপ্তাহিক বজাৰত অৱস্থিত কৃষ্ণাই গ্ৰাম্য পণ্যাগাৰত অসম কৃষি বিপণন পৰিষদে কৃষকৰ পৰা ক্ৰয় কৰা কেবা হেজাৰ কুইণ্টল ধান মজুত কৰি ৰাখিছিল ৷

বিগত প্ৰায় চাৰি বছৰ ধৰি পণ্যাগাৰটোত ধান মজুত কৰি ৰখা হৈছিল যদিও সময়ে সময়ে এই ধান খিনি তদাৰক নকৰাৰ ফলত শ শ কুইণ্টল ধান পচি গৈছে ৷

আনকি অসুৰক্ষিত পণ্যাগাৰটোত ধান মজুত ৰখাৰ ফলত পণ্যাগাৰটোৰ ভিতৰতে ধানে গজালি মেলি কঠীয়াত পৰিণত হৈছে ৷

জানিব পৰি মতে পণ্যাগাৰটোত প্ৰায় দুহেজাৰ সাতশ কুইণ্টল ধান মজুত আছিল ৷

২৬ জুলাই তাৰিখে অসম কৃষি বিপণন পৰিষদৰ বিষয়াবৰ্গই অতি গোপনে পঁচিশ জন মান শ্ৰমিক লগাই পচা তথা  গজালি ওলোৱা ধানখিনি আঁতৰ কৰে ৷

আনহাতে, পণ্যাগাৰটোত থকা প্ৰায়খিনি ধান পচি গৈছে যদিও সেই ধানখিনিকে নতুন বস্তাত ভৰাই থোৱাও পৰিলক্ষিত হয় ৷