এটা অভিনৱ চেঞ্চুৰি মাৰিছে বিৰাট কোহলীয়ে। আনকি এই চেঞ্চুৰী মৰা তেওঁ প্ৰথমজন এছিয়ান চেলিব্ৰেটি হিচাপে পৰিগণিত হয়।
অৱশ্যে ক্ৰিকেটৰ পথাৰত নহয়, চ’চিয়েল মিডিয়াতহে এই অনন্য কৃতিত্ব লাভ কৰিছে কোহলীয়ে।
সোমবাৰে ইনষ্টাগ্ৰামত তেওঁৰ ফল’ৱাৰছৰ সংখ্যা ১০০ মিলিয়ন হোৱাৰ লগে লগে প্ৰথমজন এছিয়ান চেলিব্ৰেটি হিচাপে পৰিগণিত হয়, যি ১০০ মিলিয়ন ক্লাবত প্ৰৱেশ কৰিলে।
আনহাতে কোহলীৰ পাছতে সৰ্বাধিক ফল’ৱাৰছ থকা ভাৰতীয় চেলিব্ৰেটিৰ তালিকাত স্থান লাভ কৰিছে প্ৰিয়ংকা চোপ্ৰা (৬০.৮ মিলিয়ন ফল’ৱাৰছ) আৰু শ্ৰদ্ধা কাপুৰে (৫৮ মিলিয়ন)।
২৬৬ মিলিয়ন ফ’লৱাৰছেৰে ফুটবল তাৰকা ক্ৰিষ্টিয়ানো ৰণাল্ড’ৱে বিশ্বৰ ভিতৰতে প্ৰথম স্থানত থকাৰ বিপৰীতে ২২৪ মিলিয়ন ফল’ৱাৰছেৰে সংগীতশিল্পী এৰিয়ানা গ্ৰাণ্ডে আছে দ্বিতীয় স্থান।
কোহলী বৰ্তমান ষষ্ঠজন খেলুৱৈ- ক্ৰীড়া ক্ষেত্ৰখনত যাৰ ইনষ্টাগ্ৰাম ফলোৱাৰছ সৰ্বাধিক। লিঅ’নেল মেছি আৰু নেইমাৰ আছে ৰোণাল্ডোৰ পাছতে।
ইনষ্টাগ্ৰামত ১০০ মিলিয়ন ফলোৱাৰছ থকা প্ৰথমজন ক্ৰিকেটাৰ হিচাপে আই.চি.চি.য়ে টুইটযোগে কোহলীক শুভেচ্ছা জ্ঞাপন কৰিছে।
আনহাতে কোহলীৰ টুইটাৰ একাউণ্টত ৪০.৮ মিলিয়ন ফল’ৱাৰছ থকাৰ বিপৰীতে ফেচবুক পেজত আছে ৩৬ মিলিয়ন।
উল্লেখযোগ্য যে ২০২০ চনৰ ফেব্ৰুৱাৰীত ৫০ মিলিয়ন ফলোৱাৰছ লাভ কৰাৰ লগে লগে কোহলীয়ে এই সংখ্যা স্পৰ্শ কৰা প্ৰথমজন ভাৰতীয় চেলিব্ৰেটী হিচাপে পৰিগণিত হয়। এবছৰৰ ভিতৰতে তেওঁৰ ফলোৱাৰছৰ সংখ্যা ৫০ মিলিয়নৰ পৰা ১০০ মিলিয়ন হৈ পৰে।
