১৯৯খন দেশৰ ভিতৰত ভাৰতৰ পাছপ’ৰ্ট ৰেংকিং ১৪৮ লৈ হ্ৰাস
বৃহস্পতিবাৰে প্ৰকাশ পোৱা ন’মাড কেপিটেলিষ্ট পাছপ’ৰ্ট ইনডেক্স ২০২৫ অনুসৰি ভাৰতে যোৱা বছৰৰ ১৪৭ নম্বৰ স্থানৰ পৰা ১৪৮ নম্বৰ স্থানলৈ নামি আহিছে।
কৰ আৰু অভিবাসন পৰামৰ্শদাতা প্ৰতিষ্ঠান নোমাড কেপিটেলিষ্টে প্ৰকাশ কৰা এই সূচকাংকটোৱে বছৰি প্ৰতিখন দেশৰ পাছপ’ৰ্টৰ শক্তিৰ মূল্যায়ন কৰি পাঁচটা পৰিমাপৰ ভিত্তিত স্ক’ৰ আৰু ৰেংকিং কৰে:য’ত ভিছাবিহীন ভ্ৰমণ (৫০%), কৰ (২০%), বিশ্বব্যাপী ধাৰণা (১০%), দ্বৈত নাগৰিকত্ব (১০%) আৰু ব্যক্তিগত স্বাধীনতা (১০%) জোখা হয়।
পূব আফ্ৰিকাৰ দেশ ক’ম’ৰ’ছৰ সৈতে ভাৰতে ১৪৮ নম্বৰ স্থান ভাগ কৰি মুঠ স্ক’ৰ ৪৭.৫ লাভ কৰে। যোৱা বছৰ ভাৰতে মোজাম্বিকৰ সৈতে ১৪৭ নং ৰেংক ভাগ কৰিছিল।
আইৰিছ নাগৰিকসকলৰ “গোটেই ইউৰোপীয় সংঘ আৰু যুক্তৰাজ্যত মুক্তভাৱে জীয়াই থকা আৰু কাম কৰাৰ অধিকাৰ”ৰ বাবে আয়াৰলেণ্ডক ন’মাড কেপিটেলিষ্ট পাছপ’ৰ্ট সূচকাংকত ২০২৫ চনৰ বিশ্বৰ আটাইতকৈ শক্তিশালী পাছপ’ৰ্ট হিচাপে স্থান দিয়া হৈছিল।
দ্বিতীয় স্থানত আছে ছুইজাৰলেণ্ড, তাৰ পাছতে আছে গ্ৰীচ, পৰ্তুগাল, মাল্টা, ইটালী, লাক্সেমবাৰ্গ, ফিনলেণ্ড, নৰৱে, সংযুক্ত আৰব আমিৰশ্বাহী, নিউজিলেণ্ড আৰু আইচলেণ্ড। ইউৰোপৰ ছান মেৰিনোৰ সৈতে ৪৫ নম্বৰ স্থান ভাগ কৰি লৈছে আমেৰিকাই।
এই তালিকাৰ তলত পাকিস্তান, ইৰাক, ইৰিত্ৰিয়া, য়েমেন আৰু আফগানিস্তানে ১৯৫ৰ পৰা ১৯৯ নং স্থান দখল কৰিছিল।
উল্লেখ্য যে, আন্তঃৰাষ্ট্ৰীয় বিমান পৰিবহণ সংস্থাৰ তথ্যৰ মূল্যায়নৰ ভিত্তিত হেনলি পাছপ’ৰ্ট সূচকাংকত জানুৱাৰী মাহত ভাৰত ৮০ নং স্থানৰ পৰা ৮৫ নম্বৰলৈ নামি আহিছিল।