দুবছৰ পূৰ্বে উত্তৰ-পূব ৰাজ্যখনত জাতিগত সংঘাতৰ সৃষ্টি হোৱাৰ পাছত ইম্ফলৰ পৰা পাহাৰীয়া অঞ্চললৈ আন্তঃজিলা বাছ সেৱা পুনৰ আৰম্ভ হয়। কিন্তু শনিবাৰে (৮ মাৰ্চ, ২০২৫) কাংপকপিত মণিপুৰ ৰাজ্যিক পৰিবহণৰ এখন বাছ আক্ৰমণ কৰা হয়।
যোৱা বছৰৰ ডিচেম্বৰ মাহত ইম্ফলৰ পৰা কাংপ’কপি আৰু চুৰাচান্দপুৰলৈ ৰাজহুৱা বাছ সেৱা পুনৰ আৰম্ভ কৰাৰ বাবে ৰাজ্য চৰকাৰৰ প্ৰচেষ্টা ব্যৰ্থ হয় ।
সেনাপতি জিলা অভিমুখী বাছখনত কাগপ’কপি জিলাৰ গামগিফাই অঞ্চলত যাত্ৰীবাহী বাহনখনক শিলগুটি নিক্ষেপ কৰা বুলি জানিবলৈ দিয়ে।
বিষয়াসকলে জনোৱা মতে, নিৰাপত্তা বাহিনীয়ে কন্দুৱা গেছৰ গোলা নিক্ষেপ কৰি লাঠিচালনা কৰে, যাৰ ফলত কেইজনমান বিক্ষোভকাৰী আহত হয়।
চুৰাচান্দপুৰ আৰু সেনাপতিৰ পাহাৰীয়া জিলালৈ যোৱা বাছসমূহ পুৱা প্ৰায় ১০ বজাত ইম্ফল বিমানবন্দৰৰ পৰা কোনো যাত্ৰী নোহোৱাকৈ ফ্লেগ অফ কৰা হয় আৰু সেনা জোৱানকে ধৰি কেন্দ্ৰীয় বাহিনীৰ বৃহৎ কনভয়ে গাড়ীকেইখনক এস্কৰ্ট কৰে বুলি তেওঁলোকে জনায়।
চুৰাচান্দপুৰ অভিমুখী বাছখনে কোনো বাধা নোহোৱাকৈ বিষ্ণুপুৰ জিলা পাৰ হৈ কাংভাই পালেহি বুলি বিষয়াসকলে জানিবলৈ দিয়ে।
কাংপ’কপি হৈ সেনাপতি জিলা অভিমুখী বাছখন ইম্ফল পশ্চিম জিলাৰ কংলাটংবিলৈকে কোনো ধৰণৰ বাধা বা অৱৰোধৰ সন্মুখীন হোৱা নাছিল বুলিও তেওঁলোকে লগতে কয়।
কেন্দ্ৰীয় গৃহমন্ত্ৰী অমিত শ্বাহে শেহতীয়াকৈ ৮ মাৰ্চৰ পৰা মণিপুৰৰ সকলো পথতে মানুহৰ মুক্ত চলাচল নিশ্চিত কৰিবলৈ নিৰাপত্তা বাহিনীক নিৰ্দেশ দিয়াৰ লগতে বাধা সৃষ্টি কৰা সকলৰ বিৰুদ্ধে কঠোৰ ব্যৱস্থা গ্ৰহণৰ আহ্বান জনোৱাৰ পিছতে পুনৰ আন্তঃজিলা বাছ সেৱা আৰম্ভ হয়।
২০২৩ চনৰ মে’ মাহৰ পৰা জাতিগত হিংসাৰ সাক্ষী হৈ থকা উত্তৰ-পূব ৰাজ্যখনত ৰাষ্ট্ৰপতিৰ শাসন জাপি দিয়াৰ পাছত এইখনেই আছিল প্ৰথমখন এনে বৈঠক।
এই হিংসাত এতিয়ালৈকে ২৫০ জনৰো অধিক লোকে প্ৰাণ হেৰুৱাইছে।
