বৰ্তমান সময়ত প্ৰায় সকলোৱেই স্মাৰ্টফোন ব্যৱহাৰ কৰে। গুগল চাৰ্চ সেৱাও বৰ্তমান সকলোৱে ব্যৱহাৰ কৰে। গুগলত সন্ধান কৰিলে যিকোনো বিষয়ৰ সম্পৰ্কে তথ্য লাভ কৰিব পাৰি।
কিন্তু এনে কিছুমান আপদীয়া বিষয় আছে যিকেইটা গুগলত চাৰ্চ কৰিলেহ’ব পাৰে বিপদ। এইকেইটা বিষয় গুগলত চাৰ্চ কৰিলে প্ৰশস্ত হ’ব পাৰে ৰঙাঘৰলৈ যোৱাৰ বাট।
আজি আমি আপোনালোকক ক’ম গুগলত কোন কেইটা বিষয় সন্ধান কৰিব নালাগে।
গুগলত কেতিয়াও হিংসাৰ বিষয়ে সন্ধান কৰা উচিত নহয়। আচলতে তেনে কৰিলে কেতিয়াবা সমস্যাত পৰিব পাৰে ব্যৱহাৰকাৰী। যদি আপুনি গুগলত গোলাবাৰুদ, বোমা আদি কেনেকৈ বনাব লাগে জানিব বিচাৰে, তেন্তে আপুনি ডাঙৰ সমস্যাত পৰিব পাৰে। ভাৰত চৰকাৰৰ নিৰাপত্তা সংস্থাসমূহে এনে বিষয়বস্তুৰ সন্ধানৰ ওপৰত তীক্ষ্ণ দৃষ্টি ৰাখে।
গুগল চাৰ্চ ব্যৱহাৰ কৰাৰ সময়ত আপুনি সদায় মনত ৰাখিব লাগে যে শিশু অপৰাধৰ দৰে কথা চাৰ্চ কৰাটো এটা অপৰাধ। এনে কৰিলে আপোনাৰ বিৰুদ্ধে চৰকাৰে ব্যৱস্থা গ্ৰহণ কৰিব পাৰে।
গুগলত ভিডিঅ’ পাইৰেচিৰ দৰে কথা সন্ধান কৰাটো এৰাই চলিব লাগে। আচলতে এনেবোৰ কথা অপৰাধৰ শ্ৰেণীত পৰে। গতিকে সেইবোৰৰ বিষয়ে সন্ধান কৰিলে আপোনাক জেললৈ প্ৰেৰণ কৰিব পাৰে প্ৰশাসনে।
