চিকিৎসকৰ পৰা আৰম্ভ কৰি পুষ্টিবিদলৈকে সকলোৱে প্ৰসৱৰ পিছত কমেও ছমাহলৈকে সন্তানক স্তনপান কৰোৱাৰ পৰামৰ্শ দিয়ে। শিশুৰ সুস্বাস্থ্য আৰু বিকাশৰ বাবে কমেও ছমাহলৈকে মাতৃদুগ্ধৰ বাহিৰে আন একো খাবলৈ দিব নালাগে। সেয়ে শিশুৰ স্তনপান অতি গুৰুত্বপূৰ্ণ।
দিনটোৰ প্ৰায় আধা সময় স্তনপান কৰোৱাৰ ফলত মাতৃৰ স্তনবৃন্ত(Nipple) ত প্ৰভাৱ পৰিবলৈ আৰম্ভ কৰে। ফলত স্তনবৃন্ত(Nipple)ত বিষ, ঘাঁ বা সংক্ৰমণৰ সম্ভাৱনা নুই কৰিব নোৱাৰি। বহুতে নাজানে যে স্তনপানৰ লগতে স্তনবৃন্ত (Nipple)ৰ যত্ন লোৱাটোও গুৰুত্বপূৰ্ণ। কিন্তু বহুতে কয় যে স্তনপান কৰাৰ আগতে প্ৰতিবাৰেই স্তনবৃন্ত পৰিষ্কাৰ কৰিব লাগে। আচলতে তেনে কৰাৰ প্ৰয়োজনীয়তা কি?
বহুতে ভাবে যে শিশুৰ স্বাস্থ্যৰ বাবে প্ৰতিটো খাদ্য খোৱাৰ আগতে স্তনবৃন্ত চাবোনেৰে পৰিষ্কাৰ কৰাটো গুৰুত্বপূৰ্ণ। চিকিৎসকৰ মতে, স্তনপানৰ লগতে স্তনবৃন্তৰ যত্ন লোৱাটো অতি প্ৰয়োজনীয়। কিন্তু প্ৰতিটো স্তনপান কৰোঁৱাৰ আগতে স্তনবৃন্ত পৰিষ্কাৰ কৰিব লাগিব বুলি থকা ধাৰণাটোৰ আঁৰত কোনো সুস্থ যুক্তি নাই।
চিকিৎসকৰ মতে, দুগ্ধপান কৰাৰ আগত স্তন পৰিষ্কাৰ কৰিবলৈ কোনো ধৰণৰ চাবোন বা জেল ব্যৱহাৰ কৰিব নালাগে। কাৰণ, চাবোন ব্যৱহাৰ কৰিলে চাবোনে স্তনবৃন্তৰ পৰা নিৰ্গত হোৱা প্ৰাকৃতিক তেল শোষণ কৰি ছালখন অধিক শুকান কৰি তোলে। গতিকে গা ধুওঁতেহে পানীৰে স্তনোবৃন্ত বা নিপ’ল পৰিষ্কাৰ কৰা ভাল।
