চন্দ্ৰত চন্দ্ৰযান-৩ৰ মসৃণ অৱতৰণৰ পিছত লেণ্ডাৰ বিক্ৰম আৰু ৰ’ভাৰ প্ৰজ্ঞানে চন্দ্ৰৰ মাটিত কেইবাটাও গুৰুত্বপূৰ্ণ পৰীক্ষা-নিৰীক্ষা চলাইছিল। ইছৰোৰ মতে চন্দ্ৰযান-৩ অভিযানৰ লক্ষ্য পূৰণ হৈছে। সেয়া নি নহওক, এতিয়া ইছৰোৱে প্ৰজ্ঞান, বিক্ৰমক জগাই তুলিবলৈ অহৰহ চেষ্টা চলাই আছে যাতে অধিক অতিৰিক্ত তথ্য সংগ্ৰহ কৰিব পৰা যায়।
দেশৰ জনসাধাৰণে চন্দ্ৰযান-৩ সাৰ পোৱালৈ অপেক্ষা কৰি আছে। সূৰ্য পোহৰ হোৱাৰ লগে লগে প্ৰজ্ঞান ৰ’ভাৰ আৰু বিক্ৰম লেণ্ডাৰক জগাই তুলিবলৈ ইছৰোৱে আপ্ৰাণ চেষ্টা চলাইছে। যাতে তেওঁলোকে পুনৰ ইছৰোলৈ সংকেত পঠিয়াবলৈ আৰম্ভ কৰে। কিন্তু এতিয়ালৈ কোনো সংকেত পোৱা হোৱা নাই।
লগতে পঢ়ক: জিমত ৱৰ্কআউট কৰাৰ সময়ত কিয় হাৰ্ট এটেক হয়? মৃত্যুৰ আশংকাৰ পৰা হাত সাৰিবলৈ কি কৰিব?
বিজ্ঞানীসকলৰ মতে চন্দ্ৰযান-৩ অভিযানৰ পৰৱৰ্তী পৰ্যায় ইছৰোৰ বাবে কঠিন। ইছৰ’ই জনাইছে যে শুকুৰবাৰৰ পিছত আজি ২৩ ছেপ্টেম্বৰত প্ৰজ্ঞান ৰভাৰ আৰু বিক্ৰম লেণ্ডাৰক পুনৰ জগাই তোলাৰ প্ৰয়াস কৰা হ’ব।
চন্দ্ৰযান-৩ৰ চন্দ্ৰত ‘মসৃণ অৱতৰণ’ৰ পিছত লেণ্ডাৰ বিক্ৰম আৰু ৰ’ভাৰ প্ৰজ্ঞানে চন্দ্ৰত এটা সম্পূৰ্ণ দিন কটায়। এই সময়ছোৱাত বিক্ৰম আৰু প্ৰজ্ঞান কঢ়িয়াই নিয়া পেলোডটোৱে চন্দ্ৰপৃষ্ঠৰ বিষয়ে বহু গুৰুত্বপূৰ্ণ তথ্য ইছৰ’লৈ প্ৰেৰণ কৰে।
ইছৰোৰ বিজ্ঞানীসকলে কয় যে চন্দ্ৰযান-৩ অভিযানৰ উদ্দেশ্য পূৰণ হৈছে। এতিয়া আৰু অধিক তথ্য সংগ্ৰহ কৰিবলৈ বিক্ৰম আৰু প্ৰজ্ঞানক জগাই তুলিবলৈ চেষ্টা কৰা হৈছে।
লগতে পঢ়ক: ক্ৰিকেটৰ তিনিওটা ফৰ্মেটতে ১ নং দল ভাৰত! অষ্ট্ৰেলিয়াক হৰুৱাই বিৰল অভিলেখ টীম ইণ্ডিয়াৰ
চন্দ্ৰৰ এটা দিন পৃথিৱীৰ ১৪ দিনৰ সমান। ২৩ আগষ্টত চন্দ্ৰত পুৱা হোৱাৰ লগে লগে এটা নতুন দিন আৰম্ভ হয়। ২৩ আগষ্টত ইছৰ’ই চন্দ্ৰযান-৩ৰ বিক্ৰম লেণ্ডাৰ চন্দ্ৰৰ দক্ষিণ মেৰুত সফলতাৰে অৱতৰণ কৰে। তাৰ পিছৰে পৰা প্ৰায় ১১ দিন ধৰি প্ৰজ্ঞান ৰ’ভাৰে চন্দ্ৰপৃষ্ঠৰ পৰা খনিজ পদাৰ্থ, ভূমিকম্পীয় কাৰ্যকলাপ আৰু প্লাজমা সম্পৰ্কে ইছৰ’ক গুৰুত্বপূৰ্ণ তথ্য প্ৰেৰণ কৰি আহিছে। ৭ ছেপ্টেম্বৰলৈকে চলিব পৰাকৈ এই অভিযানৰ ডিজাইন কৰা হৈছিল। শুকুৰবাৰে পুনৰ সূৰ্য্যৰ পোহৰ পৰাৰ লগে লগে ইছৰোৱে বিক্ৰম লেণ্ডাৰ আৰু ৰ’ভাৰ প্ৰজ্ঞানক জগাই তুলিবলৈ চেষ্টা কৰে যদিও বিফল হয়।
Chandrayaan-3 Mission:
Efforts have been made to establish communication with the Vikram lander and Pragyan rover to ascertain their wake-up condition.As of now, no signals have been received from them.
Efforts to establish contact will continue.
— ISRO (@isro) September 22, 2023
ইছৰোৱে চন্দ্ৰত ৰাতিপুৱা হোৱাৰ পিছতো বিক্ৰম লেণ্ডাৰ আৰু প্ৰজ্ঞানত স্থাপন কৰা সৌৰ পেনেলৰ পৰা বেটাৰী সঠিকভাৱে চাৰ্জ কৰিবলৈ দুদিন ধৰি অপেক্ষা কৰি আছিল। শুকুৰবাৰে ইছৰোৰ বিজ্ঞানীসকলে বিক্ৰম আৰু প্ৰজ্ঞান ৰ’ভাৰৰ সৈতে যোগাযোগৰ বাবে বাৰে বাৰে চেষ্টা চলাইছিল যদিও বিফল হৈছিল। অৱশ্যে ইছৰ’ই টুইটযোগে প্রচেষ্টা অব্যাহত থাকিব বুলি প্রকাশ কৰে৷
ইপিনে, ইছৰোৰ পৰিকল্পনা অনুসৰি যদি লেণ্ডাৰ আৰু ৰ’ভাৰ সক্ৰিয় হয় তেন্তে চন্দ্ৰৰ পৰা অতিৰিক্ত তথ্য সংগ্ৰহ কৰি পূৰ্বৰ দৰে পৃথিৱীলৈ পঠিয়াব। ইছৰোৰ মতে, যদি সেয়া নহয়, তেন্তে ভাৰতৰ দূত হিচাপে বিক্ৰম লেণ্ডাৰ আৰু ৰ’ভাৰ প্ৰজ্ঞান চিৰদিনৰ বাবে চন্দ্ৰৰ মাটিত থাকি যাব।
