ইটালীৰ আৰক্ষীয়ে ৩০ বছৰ ধৰি পলাতক হৈ থকা দেশখনৰ ম’ষ্ট ৱান্টেড মাফিয়া সম্ৰাটক গ্ৰেপ্তাৰ কৰিছে। প্ৰচিকিউটৰসকলে কৈছে যে মাট্টেও মেছিনা ডেনাৰো চিচিলিৰ কোচা নোষ্ট্ৰা মাফিয়াৰ এগৰাকী বছ আছিল।
সোমবাৰে ৰাতিপুৱা আৰক্ষীয়ে চিচিলিয়াৰ ৰাজধানী পালেৰ্মোৰ এখন ব্যক্তিগত চিকিৎসালয়ত এক অজ্ঞাত চিকিৎসাজনিত কাৰণত চিকিৎসা গ্ৰহণ কৰি থকা ৬০ বছৰীয়া ডেনাৰোক গ্ৰেপ্তাৰ কৰে।
মেছিনা ডেনাৰোক ১৯৯২ চনত মাফিয়া বিৰোধী প্ৰচিকিউটৰ জিঅ’ভানি ফালকন আৰু পাওলো বৰচেলিনোৰ হত্যাকাণ্ডত তেওঁৰ ভূমিকাৰ বাবে যাৱজ্জীৱন কাৰাদণ্ড দিয়া হৈছিল।
লগতে পঢ়ক: ‘ন্যায়াধীশ নিযুক্তি প্ৰক্ৰিয়াত চৰকাৰক অন্তৰ্ভুক্ত কৰক’:দেশৰ মুখ্য ন্যায়াধীশলৈ পত্ৰ ৰিজিজুৰ
পৰৱৰ্তী বছৰত ফ্লৰেন্স, ৰোম আৰু মিলানত বোমা আক্ৰমণত জড়িত থকাৰ বাবে তেওঁ আন এক যাৱজ্জীৱন কাৰাদণ্ডৰ সন্মুখীন হয়। সেই বোমা আক্ৰমণৰ ঘটনাত ১০ জন লোক নিহত হৈছিল।
ট্ৰাপানিৰ ওচৰৰ সৰু দক্ষিণ চহৰ কাষ্টেলভেট্ৰানোৰ পৰা অহা মেছিনা ডেনাৰোক প্ৰচিকিউটৰসকলে ১৯৯০ৰ দশকত আন কেইবাটাও হত্যাকাণ্ডৰ বাবে একমাত্ৰ বা যৌথভাৱে দায়ী বুলি অভিযুক্ত কৰিইল।
প্ৰচিকিউটৰসকলে জনায় যে ১৯৯৩ চনত তেওঁ এজন ১২ বছৰীয়া ল’ৰা জুচেপ্পে দি মাট্টেওৰ অপহৰণ সংঘটিত কৰাত সহায় কৰিছিল যাতে তেওঁৰ পিতৃয়ে মাফিয়াৰ বিৰুদ্ধে প্ৰমাণ দিয়াৰ পৰা বিৰত থাকে। হত্যা কৰি এচিডত ডুবাই ৰখাৰ পূৰ্বে ল’ৰাটোক দুবছৰ ধৰি বন্দী কৰি ৰখা হৈছিল।
লগতে পঢ়ক: টুইটাৰ ব্যৱহাৰ কৰি ৰাষ্ট্ৰ বিৰোধী প্ৰচাৰ! চৌদি অধ্যাপকক মৃত্যুদণ্ডৰ ৰায় আদালতৰ
আৰক্ষীয়ে যোৱা বছৰ ছেপ্টেম্বৰত কৈছিল যে তেওঁ দীৰ্ঘদিন ধৰি নিৰুদ্দেশ হোৱা স্বত্বেও তেওঁৰ আঞ্চলিক দুৰ্গ পশ্চিম চিচিলিয়াৰ ট্ৰাপানী চহৰৰ চাৰিওফালৰ এলেকাত মাফিয়াসকলক আদেশ জাৰি কৰি নিয়ন্ত্ৰণ কৰিছিল।
ইটালীৰ প্ৰধানমন্ত্ৰী জৰ্জিয়া মেলোনিয়ে তেওঁৰ গ্ৰেপ্তাৰক “দেশখনৰ বাবে এক বৃহৎ সাফল্য” হিচাপে আদৰণি জনাইছে। মেলোনিয়ে টুইটাৰত এটা পোষ্টত কয়, “মাফিয়া অপৰাধৰ বিৰুদ্ধে প্ৰতিৰোধ আৰু যুঁজ… এই চৰকাৰৰ এক সম্পূৰ্ণ অগ্ৰাধিকাৰ হৈ থাকিব।‘’
লগতে পঢ়ক:প্ৰাক্তন আফগান মহিলা সাংসদক গুলীয়াই হত্যা; ৰহস্যজনক তথ্য প্ৰকাশ আৰক্ষীৰ
ইউনিভাৰ্চিটি কলেজ লণ্ডনৰ ইটালিয়ান ষ্টাডিজৰ অধ্যাপক আৰু মাফিয়া সংক্ৰান্তৰ বিশেষজ্ঞ জন ডিকিয়ে মেছিনা ডেনাৰোক গ্ৰেপ্তাৰ কৰাটোক “চিচিলিয়ান মাফিয়াৰ পতনৰ আন এক সংকেত” বুলি বৰ্ণনা কৰিছে।
